传王浩信陈自瑶离婚 朱千雪李佳芯：希望佢无事
撰文： 赖家杰
出版：更新：
今日有报导传出陈自瑶（Yoyo）顶唔顺老公王浩信风流性格而提出离婚，但两位当事人虽然仲未澄清，但大家都误信以为真。今日两位曾经与王浩信合作过嘅女星，朱千雪同李佳芯（Ali）出席活动时，都逃唔过被记者追问呢件事。
Ali表示都系刚刚知道此事：“我想我暂时都唔会去骚扰佢先，我想佢哋要有勇气去面对佢哋之间嘅问题，可能嚟紧佢哋都会有回应，所以我都唔方便评论。”不过早前Ali都有与王浩信一齐岀席活动，唔知道当时佢心情有冇乜嘢大起伏？Ali回应话唔觉得佢心情有咩异样：“上几个Event见到佢就话自己放紧假，我见佢精神咗，都希望佢冇事。”
而另一位都同佢合作过拍剧嘅千雪，就话唔太清楚发生乜事，不过千雪就话希望大家可以畀啲空间当事人：“我想呢方面佢嘅家事就自己处理啦，但系我知道佢好锡家人同好锡佢囡囡，希望大家尊重佢嘅私隐。”除咗Ali最近有见过浩信，千雪工作上都有见过佢，千雪表示见到浩信唔似有心事：“最近我见到佢都系工作，但我见佢都冇乜事，我觉得佢心情都好好。”