【飞虎之潜行极战】O记滥用火力支援？ 前警司讲飞虎几时会帮手
《飞虎之潜行极战》中黄宗泽、张兆辉和王敏奕等一班飞虎队员为了长期保持Fit爆体能日操夜操，不过就算有强健的体魄，都要有充足的装备和火力才能100%完成任务。曾任机场特警队主管及创立反恐特勤队的警队前警司黎家智，今次便为《香港01》读者解构飞虎队的主要装备。相信好多人都会觉得飞虎队戴的面罩又焗又热，不太明白实际有何功用，似乎得个型字，但黎Sir就话飞虎队面罩Look不止是造型：“戴头套除咗可以隐藏身分，一班人戴住头套亦制造到好劲嘅压迫感，同埋个头套系用抗火材料做，有火舌弹落块面都唔会受伤。”
提到剧中O记经常Call飞虎队支援，密过叫外卖，问其实叫飞虎队帮手是否任Call唔嬲？黎Sir就话：“其实飞虎队功用好大，无论系火力、战术支援都可以，所以唔一定系反恐嘅情况下先用到，任何行动只要觉得有需要飞虎队帮手，都可以透过行动科申请。（捉古惑仔都Call得飞虎？）呢个情况出飞虎队真系极度少。”讲起飞虎队主要是使用HK MP5冲锋枪，黎Sir就指香港是在70年代时，跟从英国军方使用此款枪械：“MP5胜在方便、细支，喺唔同环境都好啱用，唔会好似比较大型嘅枪械咁，喺狭窄嘅环境度使用得冇咁灵活。”
【飞虎之潜行极战】特训点止跑操场 前警司爆地狱周：9成练体能
网上经常出现一些排名表，将世界各地的特种部队分高下，美国海军海豹突击队、英国特种空勤团多数都占头排位置，而香港的飞虎队永远十强不入，问黎Sir到底这些排名是否真确存在？黎Sir则恳请大家睇完笑两声便算：“其实都系得运动、竞技比赛先会有排名，特种部队之间系冇功能、战术上嘅比赛，所以可以话冇排名呢样嘢。”
讲到飞虎队认真揾命搏，执行任务时危险，接受训练时辛苦，那么飞虎队队员的薪酬会否比起普通警员更高？黎Sir就话其实飞虎队的人工都是依照警务人员薪级表而定：“基本上人工系一样嘅，不过唔同工种就有唔同嘅津贴，至于边啲工种至有津贴，就唔方便透露。”而其实网上亦不乏飞虎队人工的小道消息，有网友就指飞虎队队员会较同级警员人工高2点，月薪可以相差$1000至$3000或者更多，亦有网友指飞虎队的津贴约$3000，不过孰真孰假就不得而知了。