【多功能老婆】陈宝华点评几位主角：千嬅自然、柏豪够Sharp

无线重头剧《多功能老婆》目前拍摄得如火如荼，剧组月初更前往日本东京取景。剧集总监制兼“金牌编剧”陈宝华，日前出席由将军澳香港知专设计学院举办的“港剧如何再创高峰？”并担任主题讲座嘉宾，期间宝华姐谈到自己早于2003年开始北上内地发展，今次因为无线派出“两大天王”── 助理总经理（非戏剧制作）余咏珊以及副总经理（节目及制作）杜之克出手，成功邀请已在中国大陆扎根的宝华姐回港开剧，她解释今次愿意返娘家，完全出于对港剧的一份感情：“因为有一啲演员我想再合作啦，又（想）见返啲以前啲同事啦，同埋因为我系港剧养大，所以自己对港剧系有啲感情嘅，虽然我而家上去内地，做咗好多国产电视剧，但（港剧）仍然系我嘅根，我系想剧好嘅。”

内地人爱看原装粤语版港剧

今时今日人人北望神州，大陆剧强势，港剧渐见边缘化，惟宝华姐觉得，网、台（OTT点播与电视频道）联播的新趋势，为港剧带来新机会，亦是她回港开拍《多功能老婆》其中一个契机：

“而家港剧有网台联播呢个资源之后，我哋嘅港剧系会去到成个中国都睇到，仲可以系粤语，因为佢哋（内地观众）唔介意睇粤语，我自己觉得，我哋都想做啲好啲嘅作品，（剧集）喺成个神州落地之后，变成一个大啲嘅市场，令到人哋多啲接受港剧，我觉得，一啲资深港剧人系应该出一啲力啰。”

言即并非她一个人出力便成事，而是同业是否愿意付出。“每人出一掌，每人出几个月时间，咁就好好㗎喇，即系指点吓，或者畀啲信心呢一个行业啰，我希望好多喺内地嘅精英，可以抽少少时间咁样做。”

我觉得赚钱咪去赚人民币啰，但有阵时都可以花啲时间喺返香港拍电视剧嘅。

力赞洪永城、朱晨丽有喜感

提到《多功能老婆》的阵容，除了一众甘草，包括黄锦燊、梁舜燕、张国强、苗可秀之外，戏份最重的几位演员 ── 杨千嬅、周柏豪、洪永城、朱晨丽几位，都不是一致公认的演技派，甚至有网民觉得有些“戏屎”，到底宝华姐点样睇？她说自己初步看过一些新剧片花，直认他们的演技令她非常惊喜，并逐个点评。

“千嬅做得非常自然，非常之好，我相信呢个戏，系会令大家对佢有一个新嘅睇法，柏豪好多场戏我都重睇，实在太Sharp喇。朱晨丽同洪永城系有惊喜嘅，朱晨丽剪短咗个头发之后，同洪永城喜感系好强，我相信观众会钟意佢哋啰。”看来宝华姐对这套回归力作信心十足。

随时准备为雯女写剧本

非演技派也可以有好的演出，宝华姐认为，既要归功于团队合作，亦要有赖好剧本，“因为我嘅戏系用剧本来帮演员，亦要演员自己吸收到，呢个系互相嘅，系（两者）配合得非常好，因为每个演员我都系望住佢。我好开心，因为原来我系有三个戏嘅Cast喺我一个戏里头。”

有传《多》剧由雯女邓萃雯担钢，后来变成千嬅，惟雯女解释指《多》剧本不太适合自己，宝华姐指，她和雯女能否如愿开新剧合作，还看天时地利人和：“除咗我同雯女本身之外，都要睇唔同嘅平台或者系制作人嘅撮合，我绝对觉得，邓萃雯系演过我好多剧嘅一个好演员，点样再令到观众好期待睇佢呢？我觉得系要投资方呀，或者平台嘅配合，如果我个剧本佢系钟意嘅话，我系会为佢度身写嘅，我随时准备好！”但剧本方向和创作细节，宝华姐指现阶段仍然是商业秘密，不便透露。