【栋仁的时光】王歌慧感激黎明提携：对我好好，只系无工作畀我做

黎明 (Leon) 作为A Music的老板，向来喜欢发掘新人加入乐坛，王歌慧 (Emily) 亦曾是他的爱将之一。Emily于2006年签约Leon即备受Leon力捧，当时只得16岁的她凭住淡定的笑容被Leon睇中兼提携入行。可惜推出了两首歌曲后，她的歌手路便没有继续下去。之后她转向电视界发展，拍过HKTV的剧集，至2015年Emily正式签约TVB开始拍剧。曾经获黎天王爱护，每次工作出入都有几个人傍住，包括公司同事、助手、发型师和化妆师等，对她照顾周到就如温室小花一样。如今加入TVB后却要重新来过，由配角开始做起，再没有人跟出跟入，现年27岁的Emily又有甚么感觉呢？

她说：“以前公司比较多同事，我又细个，佢哋都好照顾我。例如会打电话嚟叫我起身，有公司保母车接送，又会安排埋我饮食，买埋嘢畀我食。”而入了TVB后，当然就无这些待遇了，不过她并不介意。她说：“其实我自己钟意演戏多过唱歌，我觉得自己唱歌麻麻地，同埋唱歌比较个人，感觉有啲孤独，我钟意拍剧一大班人大家一齐努力𠮶种感觉。我唔会觉得难受又或者系唔习惯，反而咁样可以令我更加独立同自立，会识得点照顾自己，入咗TVB之后我学识咗好多嘢，成长咗亦都成熟咗，系好事嚟，喺TVB拍剧好多嘢都要靠自己去处理，做演员要识得执生。”

Emily透露当年签约Leon旗下一签就是8年，但多年来都没有甚么工作，她说：“Leon仲有公司同事都好锡我，对我好好，只系无工作畀我做啫。后嚟系佢哋提议我不如去试下拍剧演戏啦，我自己都好有兴趣，前经理人陈善之后仲介绍咗我入TVB。”最初她于TVB是主持《无间音乐》，之后才开始拍剧。TVB出名人工低，对此Emily并没有否认：“咁几千蚊一定有嘅，我主要系睇机会，钱唔系最重要。”她坦言享受演戏多过唱歌：“我觉得依家比较充实，有工开有嘢做嘅感觉好开心。”对于一直有指她家境富裕，根本不愁生活，Emily表示：“其实唔系外界讲得咁夸张，我咁大个人都想有能力可以自己照顾到自己，发展事业赚钱养到自己，唔想仲要靠屋企养。”她直言以前无工开无收入，的确是要靠家人support她的生活开支，但近年情况已经好转：“我无畀家用屋企，但会买礼物，例如花胶𠮶啲补品，系我一份心意。”