【栋仁的时光】王歌慧赞前老板黎明又Nice又恶：有俾佢训话到喊

无线剧集《栋仁的时光》已经进入结局篇，在剧中饰演Kris (唐诗咏饰) 好姊妹的Viola (王歌慧饰) 虽然只是配角，但每次出场都几抢镜，成功令观众同网民留下印象。唔知大家仲记唔记得，其实现年27岁的王歌慧 (Emily) 于06年，即16岁时曾因为获得黎明 (Leon) 提携而签约A Music入行做歌手，可惜发展未如理想。至2015年Emily正式签约TVB开始拍剧。

今日Emily与《栋仁的时光》剧中一班演员齐齐出席该剧的宣传活动。她接受访问时被问到会否觉得今次饰演Viola是最有发挥的一次，她说：“好多谢TVB畀咗好多机会我，之前拍过两套剧嘅角色都好好玩，可能今次个角色多人留意啲，每个角色我都好用心去演，有唔同嘅尝试都好开心。（终于挨到？）我觉得依家先系开始，系一个好嘅开始，感觉自己嘅演艺事业终于起步喇。”

讲到Emily是因为Leon提携而入行做歌手，究竟Leon是怎样提携她呢？原来成件事系源于咁啱遇到！Emily忆述说：“𠮶时我仲喺九龙塘读紧书，有一日我同成班同学喺cafe食嘢，佢哋话见到Leon喺对面拍戏，咁我哋咪走过去睇，去到先知唔系拍戏，Leon只系喺度饮茶。佢好nice，主动同我哋倾偈，仲问晒我哋咁多个拎电话，话迟啲请我哋睇演唱会。点知事后我就收到唱片公司嘅人打电话嚟，问我有无兴趣唱歌。我真系完全无谂过，以为系打嚟话请我睇演唱会，不过之后都有请我去睇嘅。”

至于是因为咩原因被Leon睇中，Emily表示：“后嚟有问返佢话系因为我笑得好淡定。”而对于前老板Leon的感觉，Emily说：“佢好照顾人，无架子，份人比较直接，可以好nice但恶起上嚟可以好严肃，我都有俾佢训话过，话到我喊，但咩事已经唔记得喇。”对于被指家境富裕，是否就算无job都唔使怕？她说：“我同屋企几少讲钱，自己亦唔系打风流工，觉得咁大个人应该要赚到钱养到自己，无嘢做无收入都会几大压力。”她又笑父母都希望她快些甩手，可以早日嫁人。