【三个女人一个因】黄智雯为演“方以因”：日日上网睇真人病例

《三个女人一个因》自播出以来都好受观众欢迎。无论是黄智雯剧中饰演的“方以因”、“菠萝椰奶”抑或是“愁擘擘”都好，都吸引到不少粉丝，网上更出现不少人支持黄智雯“攞视后”。姑勿论黄智雯会不会夺得视后，其实黄智雯为了这部剧集可谓是落足心机，事前更做足资料搜集。

黄智雯出席今天（4月11日）的宣传活动，在接受《香港01》访问时，她说：“由我知道会开呢个剧到正式拍，我差唔多用咗半年时间准备。我有预先睇咗一套黑白电影，叫《三面夏娃》，入面个女主角又系一样有3重人格。套戏系我第一次接触‘多重人格’。之后我就上youtube睇真人病例，原来佢哋会用镜头拍低自己嘅另一个人格俾返自己睇。甚至乎有啲结咗婚有埋小朋友，佢哋屋企人仲会同另外一个人格做埋朋友。呢半年时间我每日都会上youtube睇呢啲病例。”

除此之外，黄智雯为了更加投入去演“方以因”，更会看书或是其他电视剧。“电视剧嘅话，其实比较多人会讲《kill me heal me》，电影啦，同埋网上做咗海量资料搜集。仲有一本书《24个比利》我成本都睇哂。”所以话，黄智雯这次的成功并非侥幸，而无数的努力所得。