【飞虎之潜行极战】陈伟霆拍无线剧？ 乐易玲都想：佢啲剧系天价
《飞虎之潜行极战》作为一部TVB跟内地的合拍剧，当然会在大陆优先播，在昨天的宣传活动上，大会指出4月6日在优酷平台播，而mytvsuper则是同步播。不过TVB几时播呢？乐易玲乐小姐在接受《香港01》访问时话：“佢哋安排咗5月份播，不过系几时呢，就等公布喇，我哋已经知道㗎喇。”
今次用了过亿的制作成本，邵氏今次落足心机希望打靓网剧招牌，乐小姐好有信心，她认为开一部戏连自己都觉得会失利就不应该开，她说：“开嘅时候应该就要有信心，之后就系睇你成功多定成功小，同埋睇你将成功定系边个位。我而家已经觉得系成功，我哋全部最好嘅朋友同演员，都返嚟做好呢件好开心嘅事，即使拍摄过程辛苦，但拍完大家都觉得成功。如果一部戏可以好好咁拍完，咁多人帮手，我已经觉得系成功嘅一部份，如果所有嘢都系讲钱同票房，呢个系后话喇。”的确今次真是阵容鼎盛，主演已经有苗侨伟、黄宗泽、吴卓羲、张兆辉、王敏奕、王敏德、黄智雯、吴岱融及陈凯琳，真是粒粒皆星。
今次是黄宗泽和吴卓羲离开TVB后再度合作，再次请返他们两个，人工要跟足他们在内地的价钱，一定贵好多。不过乐小姐有另一种看法，她说：“佢哋今日同往日喺TVB嘅知名度，喺电影圈嘅份量都唔同咗，当然我哋系应该俾返合理嘅价钱喇。但系我觉得钱都请唔到佢返嚟，系好开心嘅一件事，头先都有人话要留期返嚟拍，我觉得最困难系谂一个剧本，大家嘅戏份同份量都系咁多，呢个系最难度，我唔想厚此薄彼。”乐小姐看著他们入行，看著他们成长继而成名，亦很自豪他们会回来拍剧。
【飞虎之潜行极战】吴卓羲收友情价接拍：片酬系抵畀，我系抵用嘅
跟大陆做合拍，电影的做法很多时会请一位大陆的明星，以便打开在大陆的市场。现今大陆一线红星，又是香港人，一定要数到陈伟霆，未知乐小姐会否找他合作呢？她说：“第一要睇演员时间喇，第二要睇戏种，其实陈伟霆同我哋都同熟，仲有李治廷喇。我哋开多啲剧喇，多啲制作，都想揾佢哋合作，你知佢哋真系好忙。佢啲戏佢啲剧系天价，同埋佢嘅收视喺内地都好好收视，佢又系香港演员，真系好值得为佢骄傲。”