【周游东京．专访】周奕玮入行10年由记者做起：好感恩有呢啲经验
“其实我好感谢当年由低做起，因为有幕后呢啲经验先成就到依家嘅我。”最近因为主持《周游东京》嘅周奕玮，被外界大赞贴地，有深度，睇得出佢真系拎出自己喺日本生活时去嘅地方，真心介绍俾观众。或者因为佢娱乐新闻采访嘅经验，每次小编揾Jarvis时佢都会极速回应，全面配合。入行10年来嘅种种，为Jarvis装备好去捉紧呢次孭飞机会，大放异彩。
代言旅行社日本线因似“领队”
所有嘅机会都系一环扣一环，呢次可以独挑大梁主持《周游东京》，其中一个原因应该系，Jarvis系某旅行社日本线代言人。对手用嘅系杜如风、森美时，当日旅行社起用Jarvis，的确引起外界有唔少声音：“实质（揾我代言）原因无特别问，但其中一个我听过旅行社提起嘅原因，系觉得我好似佢地前线嘅领队，𠮶种亲和力就似佢地领队，同团员客人会好贴近嘅感觉。”情况应该就好似节目播出后，大家不停讲嘅“贴地”感觉。
【周游东京】日本通周奕玮带队 100円狂扫吞拿鱼刺身劲抵食
【周游东京】百年食店林立 周奕玮解说日本人钟意食泥鳅同鳗鱼
制作前后包办 唔做“背稿机器”
外界成日拎Jarvis同一众前人比较，大学读Media出身，由娱乐记者做起嘅Jarvis，其实同一般艺人担任嘅旅游节目主持，根本上有好大分别，例如系厂稿全部要自己写，亦要参与大量幕后工作，例如《3日2夜》以及好多同日本艺人做嘅专访，都系Jarvis自行设计流程：“Day 1训练已经系幕前幕后都要兼顾，例如出去做访问、写录旁白、坐喺厂讲嘅稿甚至打字幕都系我一手一脚做出嚟，其实一直都好享受每次由头到尾去完成一个Project。”
“导演合作咗好耐都知我好麻烦架哈哈，佢地都知如果主持无感觉好似无咗灵魂，佢地真系对我好好，其实大可以叫我自己搞掂做埋Research，但佢地知我系第一次，佢地都好落力帮我对我好好，监制编审个个都好帮手唔使我一个人面对，好多时候会提点如何呈现出嚟更好。始终同《3日2夜》𠮶啲好唔同，我地会成Team人去倾要加减边啲嘢去迎合翡翠台10点半时段观众嘅口味，当然啦大家各司其职，资料撰稿一栏都无落我个名，为件事好就OK。”
【周游东京】神社参拜开运小知识 周奕玮：御守有期限非keep一世
【周游东京】日本房一定细？ 周奕玮推介三大性价比高住宿
整个访问中Jarvis其实不下数十次感谢某某某，多谢乜乜乜，从对话中感受到佢唔系social而系真正感恩，多谢以往每个帮过佢扶过佢嘅人同事：“首先一定一定要多谢嘅，绝对系娱乐新闻台，每一位合作过嘅导演编审PA同事等等……当初开台时嘅大招募，唔系佢地执我返嚟，一个大学刚毕业傻吓傻吓嘅后生仔，可以有机会入电视台，唔会有机会做《3日2夜》，亦唔会访问咁多值得学习嘅巨星。亦到好感恩可以由记者做起，因为有幕后写料出身，每个project嘅经验累积，先可以成就到今日嘅自己。”
《周游东京》周奕玮亲身体验日式Speed dating 成功拎到女仔电话
【周游东京】周奕玮推介CP值超高放题 山泥倾潟式海赡寿司劲正
同为娱乐新闻台出身 黄翠如真心鼓励
仲有一个点名要多谢嘅，叫做黄翠如：“15年我喺马来西亚做星光荟萃颁奖典礼，当时翠如得奖（最喜爱TVB电视角色 《师奶Madam》花苹）上台讲感受，当时佢居然特别提起我，话我地都系娱乐记者出身叫我要加油，因为我做司仪都喺台上面，其实当下真系呆咗唔知多谢佢好定点样好，无谂过佢会用咁宝贵嘅讲感受时间嚟鼓励我。直至当晚返到酒店房先清醒，真系感动到喺房喊出嚟。”Jarvis不讳言话，呢份来自同路人嘅感动，令佢紧记至今：“翠如都系娱乐新闻出身，由记者到演员到得奖，真系同路人先会明白当中辛酸，所以佢嘅鼓励真系好刻骨铭心。”
2015马来西亚星光荟萃颁奖典礼黄翠如得奖感受由第19分钟开始