【金像奖2018 ．茶水莲姐】唔信自己得奖︰其实我冲咖啡唔好饮！

第37届香港电影金像奖今晚举行，早前大会率先颁发专业精神奖予入行30年的茶水莲姐杨容莲（Pauline）。对于莲姐，大家未必认识，但对于她的工作就大感兴趣，到底要点先可以做到呢个岗位，系咪要有一对巧手，冲出如金茶王般的奶茶先做得呢？“其实我冲咖啡唔好饮！佢哋话好饮都系氹我啫！”莲姐笑说。

莲姐今日盛装出席，并分享自己的得奖心得︰“拎这个奖很开心，多谢大会，多谢家人，孙仔孙女今晚都有来，亦要多谢入场看香港电影的观众。多谢演员及助手对她的包容，亦要萍姐（唐萍），是她带我入行。出来工作是要交个心出来的，你对人好人家自然对你好。”

莲姐︰“知自己得奖时，我想喊出嚟”

早在宣布得奖的影片中，观众已觉得莲姐似乎对于得奖全不知情。随后《香港01》已致电莲姐访问，原来佢真系不知道，甚至当阿Sa确定她拎奖时，都以为是大整蛊。莲姐︰“我一直唔知，阿Sa同我讲时都仲半信半疑，直至昨日睇到条片先敢相信。”

片中所见，莲姐表现得非常淡定，查实当下是心乱如麻︰“阿Sa同我讲我得奖时，我已经想喊，但我反应唔嚟。阿Sa后尾都问我做咩唔笑，我话唔系唔想笑，系到今日睇到条片先识笑。”回想30年前入行，莲姐本住想揾一份唔使坐定定，可以周围去的工。“做工厂被困死，好闷，呢份工可以见到唔同人好开心，不时都有唔同嘅工作环境，而且一套戏做完，开另一部戏就见到另一班人。”除了工作性质合乎莲姐要求，人工吸引都系卖点。“一个唔识字嘅女人，能够靠佢养活自己，已经好开心，而且收入仲几好。”

相关文章

【金像奖2018．茶水莲姐二】客串《算死草》︰一见镜头就脚震

【金像奖2018】茶水阿姐杨容莲获专业精神奖　阿Sa︰冇佢开唔到工

“话好饮都系氹我啫！”

能够做足茶水30年，可想而知莲姐冲茶技俩应该有番咁上下，咁到底莲姐系冲奶茶醒，定系冲咖啡劲？当中有冇咩秘诀？“我自己饮过呀，其实我冲咖啡同奶茶都唔好饮，哈哈……佢哋话好饮都系氹我啫！”莲姐更大赞自己个岗位系整个电影行业中最好做一个，“大家嚟到冇选择，我冲乜就饮乜，一系出去自己买，所以冇乜压力。”听落霸气十足，但相信都系讲下笑搞下气氛。

【金像奖】张继聪蔡卓妍任金像司仪　阿聪15年来首伙拍阿Sa感兴奋

当工作人员系仔仔女女

既然讲到呢行咁好做，系咪有少少心动想跟莲姐入行揾食，有冇计呢？“想入行就要揾人肯带住你，起初跟住我一齐做，收入分帐，到有人识你就可以自己接工作喇。”系咪心动呢？不过莲姐都感慨今非昔比，事关香港电影开戏量大减之余，不少更已北上发展，咖啡茶都变成乌龙茶。“而家全行得几个茶水都唔够做，所以都好少带人入行。”咁到底点先算系一个称职的茶水阿姐呢？“如果你做到当工作人员系仔仔女女咁照顾，你就会称心如意。”