庄思明平鞋衬长腿　贴地拿督女：30蚊我都会买

庄思明今日出席活动，著咗条黑色连身短裙，配衬一对闪钻高踭鞋，骚出一双42吋长腿，靓到在场人士哗哗声。对鞋咁靓，以为一定好贵啦，但思明就话对鞋系网购嘅，而且只系几百蚊港纸，真系完全睇唔出:“其实我唔系好舍得使好多钱喺一件物品上，如果我喺街见到一对耳环我觉得靓嘅，只系值30蚊我都会买。”估唔到思明虽然贵为拿督女，生活会咁贴地。

思明话男朋友杨明同佢一样都系咁悭，从来都唔会买名牌袋俾佢:“佢唔明点解啲女仔买个几万蚊嘅袋但用几次就唔再用。”但思明话杨明对自己嘅好胜于送佢名牌手袋:“例如我前一晚讲话想食咩，佢第二日就会买俾我食，而且佢仲会爱屋及乌，买多啲，俾埋我家姐（庄思敏）食。”

两口子真系好恩爱，羡煞旁人，好似杨明早前喺《万千星辉颁奖礼2017》获飞跃进步男艺员奖，思明专程走去买佢最钟意食嘅果档嘅鱼蛋烧卖同佢庆功，已经氹得佢好开心。两个真心相爱嘅人唔需要太多物质来证明，而是你说过的话，喜爱的东西，对方都放在心上。