【万千星辉】马国明同心颖去旅行好难得：入咗TVB 17年今次先有假

《万千星辉颁奖典礼2017》行完红地毡后，一班艺人就入到去后台休息，接备迎接颁奖呢个紧张时刻。不过在后台都有好多时发生，例如马国明同黄心颖又被人叫出来一齐合照，早排有传媒影到佢哋又偷偷出去众会，之前仲一齐去旅行，究竟系咪好事近呢？

不过今日话晒都系颁奖日子，当然要睇吓马明有无信心喇，在接受《香港01》访问时他说：“都系平常心喇，因为我成日觉得有无奖拎都要睇运气，睇吓今晚运气会唔会喺我身上喇。（心颖有无投你？）佢都话会投我一票嘅，我都好多谢佢，其实我成日觉得唔系话要拎奖先要庆功，就好似《降魔的》咁，其实我哋成个团队都好开心，就算无奖拎都应该要请台前幕后食返餐，我会同监制商量吓点请佢哋食饭。其实𠮶段片系帮《降魔的》拉吓票，希望拎到“最佳剧集”，我哋成个团队又好开心喇，𠮶日出嚟系寓工作于娱乐喇，拍吓嘢食吓饭咁。（之前同心颖去旅行，当散心？）其实唔系散心嘅，我入咗TVB 17年好难得有假期，难得又就到佢，无乜嘢，纯粹去吓旅行。咁多年我都无试过去旅行，出咗工作上要出国，今次几特别㗎，个地方我哋都无去过，有啲新鲜感。”

【万千星辉】真空上阵咁大阵象？ 高海宁：件衫无嘢露，唔使打底

【万千星辉】01有票俾你投有结果喇！ 全民拣《降魔的》成大赢家