伍咏薇同有线合作唔怕TVB“封杀” “我系一匹野马”

伍咏薇（伍姑娘）自2013年与无线电视（TVB）解约，结束21年宾主关系之后，虽然一直不多出现在电视机上，不过工作机会反而没有减少。最近更与奇妙电视合作拍摄真人show节目《四小时生活圈》，将到日本东京体验“日本人妻”的生活。伍咏薇接受《香港01》访问时更坦言，“我系一匹野马，钟意自由身多啲”。

其实电视圈的行内，一直有个传闻：拍过友台的节目或剧集的艺人，TVB会永不录用。伍姑娘又恰好这次与奇妙电视合作。不过伍姑娘就一点都不担心。“从来冇人企出嚟发出过呢个声音，咁其实都系咪真嘅呢，就冇人企出嚟解答过。讲真我都做咗呢行咁多年，由亚视、无线、ViuTV、有线，都做过。其实呢几年都build-up咗（关系），其实呢一行都系良性竞争。其实我做咗TVB咁多年，亦都系由细开始睇TVB大，所以另一方面我都同TVB建立咗个好良好关系。”

“其实我啱啱先帮佢拍完《飞虎激战》，之后就返咗去大陆拍剧，跟住就系奇妙电视呢个节目《四小时生活圈》。再之前我就帮ViuTV做咗一个节目嘅导演。所以你话呢行系咪咁严重呢？其实都要睇你自己嘅公关手腕，我又唔系咁担心。”

伍姑娘至变成“自由身”之后，发展好似更胜以往。除近期新剧《飞虎激战》外，更有中国大陆剧的拍摄。《香港01》访问中，她更坦言现在与各电视台的关系更适合自己。伍咏薇：“我谂睇年纪啦。如果啱啱入行其实大树好遮荫系啱嘅，𠮶阵都有人说我出去拍电影，我都冇出去决定留咗系ATV一段时间，因为我知道自己想做啲乜嘢。到TVB嘅时候，我都签过management（行内俗称“亲生仔合约”）。后尾一路长大，自己知自己性格系点。我发觉做咗咁耐，同好多前辈高层嘅关系，大家都系朋友。好多野倾起嚟仲方便啲，譬如广告商钟意同你倾，多于同大公司倾。所以以我性格，其实我钟意自由身多啲，我系一匹野马，捉唔到我㗎。”