【德国生活志】德国公路无限速　开太慢反而危险

小菲圣诞节后跟朋友聚头外出用餐，讲明一点半开门的餐厅 1:29pm 还是关着门。同样喺度等门的德国大叔见我们一脸亚洲样怕我地唔知规矩，友善地笑住同我地解释要等多一分钟，“'coz we're German.”

德国人就系咁，一分钟就系一分钟。守规矩同准时都系德国人最完美的典范同美德。因为本性规规矩矩，见你担屎唔偷食咯，咪索性俾你去得尽啲更自由啰！咁当然，讲到自由气氛紧系荷兰优先，德国相对就无咁放开，但讲到开放，德国都有住全世界最高度自由的地方，就系闻名于世的无速限的高速公路。对喺香港日日因为塞车而耗尽宝贵的光阴，一条可以开得快的公路真系同时间对抗的最好宝物。2016 年香港的交通意外伤亡数字就已经超过二万，事故多就塞车多，一出事就搞到路面瘫痪，都咪话唔湿滞；香港睇嚟都要检讨下道路发展上的问题。

拥有所有可以开快车的条件

德国小妞 M 以自豪的民族精神同我讲，德国人真系完全拥有可以开快车的所有条件。唔系因为国民有超群的驾驶技巧，而是因为德国人对规则的遵守，令佢地可以自信到响高速公路不限速。

首先，德国人以本土的汽车质量超班超卓自居。喂，德国作为欧洲最大汽车生产国，咁多名车厂牌——Audi、宝马、Ben士、福士、保时捷……如果只可以 90km/h 行公路岂不是对国家工业的亵渎同侮辱？正所谓只要使用道路守规则，开车准绳又小心，就算开得快，意外都唔会发生。

第二，德国身为作为最早建设高速公路的国家，加上德国人的人民精神，可以睇得出佢地对自己的工业态度有几咁严谨；呢个凡事注重质量的国家，当然在公路的设计和修建来说都系非常优异。条路起得好，自然无烦恼；开车都开得畅快过人。

第三，以严谨著称的国家当然对规矩的遵守额外用心，公路上几百个检查站不特止，查出超载更会严格处罚——只要两次犯规就监禁三个月，嚟到三次则 blacklist 永久 bye bye 不能再从事驾驶行业。小妞 M 提醒小菲，喺德国揸车尽可能靠右侧行驶，想爬头先用左边中线同快线。其实喺德国高速公路开得太慢反而更加危险啊。

快车 250km/h 不是梦　人人都去德国飞车

德国高速公路的出事率唔高，而家大家都普遍认为架车开几快，好应该系以车的情况 + 路面状况 + 驾车者配合决定。所以都无限速了，你钟意开几多都系你嘅事。但小菲建议大家最重要都系小心驾驶，因为呢个世界真系无论你开几快都总会有人快过你；咁你爬头时睇唔切有咩车后飙出嚟就为时已晚；而且如果长期高速行车，啲油（同啲油钱）真系倒得快过水。德国每个车道都有自己的最低限速，货车、大车通通都安分走最右侧慢车道。小妞 M 同我讲，无限速的公路开 200km/h 系基本，公路上开 200km/h 重时不时会有人过你头。但系德国人好规矩，飞车过你头事少，唔会推你车事大；真系你有走你的杨关道，我有走我的独木桥。唯独小妞 M 同我讲，近半年在公路上多咗遇上瑞士来的飙车党，对方一入德国国境就飞速前进，跟得太紧不得止还在推推推推推，对好守规矩的德国人来说真系又惊心又烦恼。

香港去机场𠮶条路最高可以开到 110km/h，道路守则唔系个个都遵守大家都心知肚明。市区高速路在周末深夜都成为香港的非法赛车道，年轻有谁无飞过一转大清水？小菲都 MK 过，十几岁女在企起身将头伸出天窗体验高速快感（小菲年少无知而家谂番起真系庆幸当年无发生意外，亦好意劝告大家咁 MK 的事真系唔好学唔好做唔好累人累物），后来的士大佬开得快过 130km/h 小菲个心都跌埋出嚟咁滞。

而家总算真系可以体现德国高速公路无速限的快感，但承上文，的士大佬开得贴紧 150km/h 小菲都准备要窒息了，都系搭番火车安心啲。不过如果你想安全地开快车，德国真系让你体验真正的无上限。尤其系小镇边的公路，真系可以俾你感受到无限制的高度自由的好处。但当然，如果讲到挨近大城镇的路段，都会通通设番速限保障安全。而最近，德国政府都因为发现瑞士人拣嚟德国疯狂飙车个个都嚟做头文字D都唔系好掂，所以终于决定喺部分无限速的公路都定番咁上下的速限，保障番国民同大众的安全。新的一年，小菲都祝大家出入平安。

（本文纯属作者意见，不代表香港01立场。）