美国天后Taylor swift被卸妆 网友抵死留言：点解变特朗普
撰文： 温菁莉
出版：更新：
讲到时下后生仔po相之前一定要“P”下图先咁放出街，喺娱乐圈中要讲P图表表姐，一定系宫雪花喇！简直可以话系化腐朽为神奇，而大家都好认同佢嘅P图功力。但最近有一个卸妆apps，恐怕全世界女孩都要避之则吉喇！日前，有网友就将6位女星分别是包括少女时代成员润娥（又译︰允儿）、Anne Hathaway、Avril Lavigne、杨幂、Taylor Swift、Emma Stone等人“卸妆”，不少网友见到后都留言话：“太恐怖了！！”
其实睇返被卸妆后的女星照片，都不算有太大落差，咁当然无上镜咁靓喇。大部分的网友都话女星们淡妆后反而仲后生同清纯，期间点名大赞杨幂及Avril Lavigne。可惜有位女星就无咁好彩了，因为卸妆后竟然被话似男人！呢句说话可以话系难听过粗口，讲嘅受害者就系美国天后Taylor Swift，因为有网友见到佢卸妆后嘅样劲似美国总统特朗普，最阴功系有好多人都认同。咁又难怪嘅，因为Taylor Swift最近被指身材走样，比之前胀咗几倍，所以被人认错系“trump trump”嘅！