【性在有情】最应该记得嘅女神　陈华鑫唔怕冇机会：我唔钟意争嘢

仓底剧《性在有情》去年放在MyTV SUPER出街后，早前接《杂警奇兵》棒，被安排在“炮灰星期日”的档期出街。星期日就播出第一集，除了用性做话题比较特别，在剧集内亦发现“女神之光”，就是饰演陈敏之妹妹－陈华鑫。她做一个学生妹，凭住一副天使般的洁净面孔，加上又pure又true的外型，有网民忍不住要cap图，大赞她是TVB的沧海遗珠、最应该记得的女神。如今只签了部头约、由好期待剧集出街，到现在平常心的她，听到网友如此留意她，她只讲了句：“估唔到今次套剧出返街，令大家多咗留意我！”

陈华鑫是2012年的落选港姐，但靓女指数绝不比同届的朱千雪、黄心颖及汤洛雯低，只不过待遇上有所不同。不过Gloria自言认清了事实：“之前一选之后，入呢行就知道同佢哋就会有唔同，都唔会同佢哋去比同唔开心。”而她选完港姐之后，没有刻意规划自己人生：“我最初对呢行都系一知半解㗎咋，所以唔知入到去会有‘可能要挨好耐’、‘拍剧好辛苦’呢个讲法。当日公司打嚟话入艺训班，咁我就…好喇！就试下喇。”

人人都有颗事业心，就连初入行时的陈华鑫都不例外。入行之后，一直都仅限于客串、一集戏份，而《性在有情》能够做陈敏之的妹妹，是她有史以来就多戏份的一次。落过心机记对白，对著镜头落力演戏，但成果却变成了仓底货，一埋便是两、三年，失落是人之常情：“其实冇得出街都系会有失望，因为自己最多对白，有落过心机去演，但当时话唔出街，我都唔开心咗一、两年，呢件事同埋我之后工作压力大，加加埋埋就搞到荷尔蒙失调，要去睇医生。”

“平时Period正常都系一个月嚟一次，但之前系一个月嚟两、三次，就知道出咗事。”医生向她解释，由于她工作压力太大，作息时间不足、日夜颠倒，因此身体出现了警号，如果长此下去，对健康会有不良影响，所以陈华鑫决定改签部头合约，让自己可以放松一点：“以前做嘢target要达到某一个数，自己就好紧张唔够数，搞到压力好大。条数几多就唔讲喇，但个个月其实都系掹掹紧，我就唔想咁。”而荷尔蒙失调出现后，让陈华鑫惊觉不应逼得自己太紧，工作与健康之间要作出取舍。“无嘢系比健康重要。而家呢个工作模式，系轻松好多，我唔会推Job，有就会做，系多劳多得。”虽然变了部头约，但做得艺人都想多啲人留意，陈华鑫都想得到机会，但自言性格并不进取，所以都无办法：“好多人都叫我主动啲争取机会，我唔系唔想，始终系性格问题，但我不嬲唔钟意争嘢，好唔Aggressive，我知道喺呢行系唔好嘅，但性格生成，都冇计喇。”所以女神一直就被埋没，成为大家眼中的沧海遗珠，颇为可惜。

现在签了部头约可以弹性工作，但收入相对会变少，陈华鑫说：“其实喺TVB点都唔会够使㗎，所以我都有接下广告，自己都有投资。”至于是否投资有道？Gloria就没有回应，因为投资涉及风险，自己醒水喇！