【溏心3】陈敏之同事陈靖云系清新女神　唔做OL：路系自己选择　

《溏心风暴3》入面，在许昌旺的集团内，有很多经常过镜但又未必叫得出名字的演员，其实都有好多是靓仔靓女，个个都在等待一个令大家记得他们的角色。《香港01》将会慢慢为大家介绍他们的每一个，今次要介绍的是饰演陈敏之下属的陈靖云(Clare)，在剧中她叫Carol，是营运部职员。

陈靖云，相信大家都未必听过她的名字，也未必对这位漂亮的女生有留下印象。参加第27期无线电视艺员训练班入行，在以前做过四年文职，刻板的工作的她没有挑战性，毅然放下一切加入娱乐圈。不过经过几年的浸淫，暂时都未能够找到一个突出的角色，在接受《香港01》访问时，Clare说：“我入咗TVB大约4年，我开嘅剧集其实都几多吓，但如果真系讲到有戏做嘅话真系唔算多。我觉得我比较印象深刻嘅一场戏系《爱·回家之八时入席》，𠮶阵系同祥仔（黎耀祥）做对手戏，开咗两集左右㗎啫，不过做一个唔系自己做开嘅角色好有挑战。我记得𠮶两场戏都要我喊，一开头导演都会叫我行埋一边培养情绪，到拍𠮶阵祥仔都话等我ok就嚟，佢唔会摧我哋。当第二场戏𠮶阵由于放咗个饭break，所以我情绪都返唔到去之前第一场戏，喊唔出，祥仔都会同我讲喊唔出唔好隔硬，出到嚟啲戏会唔好睇，佢俾我嘅感觉系无压力同好舒服。”

由一份稳定的文职工作，去到一个多劳多得的地方，大家都知道TVB的新人普遍人工都较低，会否应付不了生活呢？她说：“最初未入TVB之前，屋企人都几担心，因为我𠮶时半工读喺公开大学读part time degree，收入要供自己读书生活费家用等等。之后入左TVB，屋企人觉得叫做泊咗码头反而安心左啲，不过屋企人都无话太多野，因为条路系我自己选择嘅。由我训练班出嚟，由$6000底薪，到而家都系得$8000底薪，想要高人工就要爆show。不过而家都ok，我除咗开TVB工，喺出面都有拍吓广告同电影，都可以补贴我收入。”Clare只是TVB的合约演员，自由度的确较大，公司人工不够，唯有在出面勤力点吧。

作为一个演员，大家都想有朝成名，不过Clare不敢想太远，始终她起步已经比被人慢，唯有尽力做好当前的本份：“红唔红太远喇，同埋太过奢望，我只系等机会，一嚟到我捉紧就ok。我已经30喇，唔谂咁远，不如做好当下嘅自己，因为我入行𠮶阵都有前辈话我咁迟先入行，其实我都系答佢唔知头唔知路我就入咗呢行。我觉得安于现状系不进则退，我都希望可以好似何远东前辈咁，演出一个大家都会记得或者会感动既角色俾观众睇，作为一个演员都想演活一个角色。”作为一个新人，好多都会视一些视帝视后级人马作为目标，黎耀祥就是一个好好的人版，他的经历是一个演员大器晚成的好例如。不过原来何远东的出色发挥也会带动后辈们，的确如果TVB再出多几个何远东，认受性和受欢迎程度一定会大大增加，Clare加油吧，何远东就是一个努力能够让人看到的好例子。