【Do姐再Shopping】Do姐跟得农夫多　搞gag能力100%大爆发

相信有好多观众每晚10点半都会坐定定睇住《Do姐再Shopping》，日前Do姐就同马国明以及“两只嘢”农夫一齐到丹麦旅游， Do姐唔知系咪跟农夫跟得多，搞gag功力开始有得挥。昨晚新一集中其中一节就到哥本哈根街市刀店及前身为屠房的酒厂参观，期间Do姐就要求农夫买把刀送给她留念，C君听完就话，“我要买把呢度无得买嘅刀俾你,Although!Although唔洗but，即刻用到。”Do姐听完后就笑言，“你呀你乌喱单刀呀！”咁都反击到，要俾𠮶叻叻Do姐呀真系！！

但最好笑嘅就一定系佢地之后去到前身为屠房的酒厂参观，仲即场品尝了用橡木了10多个小时烟熏的自家制拼盘，原本各人在大赞肉质丰富，期间Do姐就大赞所有肉都好好食，之后就问，“牛肉系咪好少去熏烟。”C君就即刻答，“唔知呀，通常听到人地讲烟熏，好少讲熏烟。所以熏烟真系比较少。”Do姐闻言后就好尴尬并反击，“咁英文文法呀嘛！”其实Do姐搞烂gag仲有好多例子，好似其后节目组将未曝光片段放上Facebook同样好笑，他们一行人到以甘草为食材的店铺， Do姐听完农夫介绍店里各种食品后，就问佢地，“有无甘草演员呀？”农夫听到后都俾𠮶叻叻手势Do姐呀！