【壹号皇庭】18岁陈展鹏偷底裤 鸡仔声兼双眼皮
撰文： 温菁莉
出版：更新：
深宵时段播出的剧集《壹号皇庭4》都算得系经典，每晚都引到唔少观众坐定定温故知新煲剧，日前播出的第19集，其中一个案件就讲述有位内衣店女售货员涉遭一名叫Frankle嘅男顾客非礼，而饰演Frankle嘅真身原来竟然系应届视帝“陈展鹏”！当年只有18岁嘅佢，只可以用“青涩”嚟形容。剧中陈展鹏都几多罪名，又被涉嫌向内衣店女sales性骚扰，仲要偷埋胸围同底裤！
+6
咪住先，《壹号皇庭4》唔系1995年播㗎咩，点解会有陈展鹏呢？佢唔系系亚视咩？其实当年陈展鹏刚系TVB无线艺训班毕业，当然要先做一阵“茄喱啡”喇，而今次《壹号皇庭4》亦系佢在TVB第11套剧集。睇返22年嘅佢可以用青涩同稚气嚟形容，皮肤都好白净，而发型仲要分成当年最流行嘅“郭富城头”，可以话系当年嘅小鲜肉！虽然陈展鹏系剧中只系运用五官同讲几句对白，但全程都交足戏，而且声线同现在相比起来亦都好清脆。他当年拍摄完《壹号皇庭4》后，都有继续为TVB拍摄超过20部剧集，可惜饰演嘅角色都只系跑龙套。但唔紧要，因为一年之后即系1996年，佢就踏上大银幕，参演电影《冲锋队怒火街头》，仲要饰演陈小春嘅细佬，而2002年佢就过档亚视，仲荣升做男主角同帮剧集唱下歌。直到2008年重返TVB，继续做电视剧男主角成为一线小生，去年更凭住《城寨英雄》拎视帝。