【后生仔倾吓偈】麦明诗玩交友App劲有心得　教你3步睇清对方

又来到《后生仔倾吓偈》的时候，年轻人的话题简直是滔滔不绝。今集冯盈盈不在，就请来第一批90后吴业坤（坤哥）讲一讲上网初体验。讲起不少小时回忆，有ICQ、MSN及Xanga等90后遗产，讲起都觉得自己好老。

冇人玩ICQ、MSN，因为现在有手机，自然有各样交友App诞生。之前被笃爆用交友App的麦明诗不讳言：“外国呢有好多人，不论拍拖定系单身，都会用交友App。”看似很正常。她还分享了玩App心得，第一步就是看看男方的个人头像：“我会睇三样嘢，第一样就系佢个样，如果佢唔出样，啫系好样衰唔见得人喇；第二样就系睇佢同朋友影嘅相，证明佢系有朋友，唔系毒男；最后一张就系睇佢做运动嘅相，咁就可以睇到佢好outgoing，会玩outdoor activities，最好系玩滑浪，唔系做gym，好刻意晒肌肉咁。”

之后就讲起儿时上过甚么讨论区，在高登、连登发迹之前，好多人都会上香讨、Uwants等等，就连坤哥也不例外。他自爆以前蒲开讨论区，揿到F5掣（重新整理键）烂，因为有好多嘢睇，他最爱上贴图区：“以前最钟意上2000fun讨论区，就系留言到一定数目，就会有几多分，系论坛系有职位做嘅，我以前最钟意就系上‘唯美贴图区’。”听个名就知道会放甚么图喇？比“型男索女贴图区”更劲。

除此之外，还有讲起网上购物经验，有不少人都试过中伏。麦明诗与坤哥都会先看网上评价才会决定买，但最怕又有“打手”，反而更加难落手。麦明诗就话：“如果有啲人post张相，件嘢真系影得好衰嘅，咁样反而系真啲。”