六合彩王子蔡国威归位　 事隔两年再做主持：感觉好神奇

2015年亚视结业，不少艺人转投TVB，除了大家熟悉的游生袁文杰外，令一位非常入屋的前亚视艺员蔡国威，亦已加盟了TVB一年多，提起他一定想起六合彩王子这称号，而王子将会今晚（19日）归位，主持今晚六合彩直播，蔡国威接受《香港01》访问，表示自己很期待，他说:“感觉好神奇，我自己都想做返，记得当年喺亚视最后一集，我最后喺讲有缘再见，估唔到真系有机会，其实几个月前综艺组𠮶边有同我讲，我当然即刻答应啦，因为我好钟意做六合彩，有好多人因为呢个节目而认识我。”

虽然蔡国威主持了六合彩多年，但今晚重操故业，原来事前都做了不少准备功夫，他说:“我都要去彩排一次，始终唔同台做,大家摄影机位置都有分别，同埋今次佢哋想我有新形象，所以试衫试咗好多次，佢哋今次揾designer帮我改哂造型，想我再后生啲啦。”

亚视结束后，蔡国威即签无线一年约，原来最近再续约两年，他说：“我开始同无线签一年先，咁最近就再签两年啰，我觉得自己而家一步步嚟啦，起码公司由一年约，都变咗开两年俾我，都应该满意我啩，咁希望可以做六合彩之余亦keep住拍剧，因为而家有5个主持，咁大家可以轮班，放假，咁我就唔会难度期啰。”