狄龙仔世袭演新版《包青天》 展昭变张振朗：12月会开拍
撰文： 温菁莉
出版：更新：
唔经唔觉2017年又过了一大半，虽然大家睇电视先刚开始睇TVB 50年台庆剧，但其实好快TVB又要举行2018年节目巡礼。据影视剧评人游大东透露，明年TVB将翻拍经典古装剧《包青天》，当然饰演包青天嘅就唔系狄龙喇，而是佢嘅仔仔谭俊彦。至于展昭就找来张振朗饰演，张振朗接受《香港01》电话访问时就表示，“我系收到消息话做嘅，应该就12月会开拍，我相信应该有好多人都会觉得好奇怪点解系我做，虽然我都唔清楚原因。”
+4
张振朗表示小时候好钟意睇《包青天》，“一讲展昭，都知大家一定会想起何家劲，我都好钟意佢，其实之前拍到内地《Amazing Summer》，佢都有招呼我们，好开心认识对方，估唔到今次有呢𠮶机会做。”睇返资料，张振朗其实甚少拍摄古装剧，佢都认同，“入行咁耐，我印象中只系做过2套古装剧，所以而家我都开始练紧剑。”另外，我们亦有致电过谭俊彦求证，但他就表示，“而家唔方便透露，等TVB公布。”
其实《包青天》一开始是由台湾电视台于1974年开始拍起，但最为人熟悉的却是1993年的版本，该剧由台湾演员金超群饰演包青天，据知当年原本只是拍摄15集，但剧集出街后收视率极高，因此不断延长故事，最后共拍摄喇236集，算是长寿剧嘅先河。
同年，TVB就购入播映权，同样都录得超高收视，掀起了一阵“包青天热潮”到1995年TVB就自家制拍摄《包青天》，监制庄伟建就找来狄龙及黄日华分别饰演包青天同展昭，但话题就无台湾版咁轰动。但2018年的《包青天》演员虽然起用一班新演员，但监制就继续找来庄伟建，唔知相隔23年嘅会系点呢？