【胡说八道真情假期】闺蜜出游劲开心　孕妇杏儿激动嗌肚痛

撰文： 洪晓璇
出版：更新：

三个女人一个墟，“胡说八道会”6个人加埋威力应该大多十倍。胡杏儿、胡定欣、黄智雯、姚子羚、李施嬅、胡蓓蔚喺TVB工作相识继而成为闺蜜，呢次“假公济私”以拍摄旅游节目为名，一班姐妹齐齐出游为实。刚播出第一集《胡说八道真情假期》，两个字形容晒：“真”同埋“嘈”﹗

杏儿都话：“立花子羚唔系浪得虚名”(影片截图)
同闺蜜出游，真系一件好开心嘅事。(胡杏儿IG)

六位都系一线花旦及主持，要度期俾佢地齐齐离港两星期当然唔系件容易嘅事，节目一开始花咗三分钟剪辑旅程精华片段，再用多2分钟俾PA出场---睇下几咁落力度期去促成呢个旅程。黄智雯出发前闹出“放飞机”疑云，点知原来系个局，当大家喺机场贵宾室见到佢时即时尖叫，成堆感动到喊，大肚婆杏儿仲激动到嗌肚痛，姐妹情深真情流露。

喺贵宾室见到黄智雯呢下，大家嘅表情完全表达到几咁惊讶﹗(影片截图)
大肚婆激动到嗌肚痛，真系非同少可。(影片截图)

飞抵澳大利亚后佢地去到入住嘅湖畔酒店，到处参观时佢地尽显港女本色，见到按摩池要尖叫，浴室毛巾架识发热又尖叫，搅到胡蓓蔚都不禁反白眼话佢地似“农民”，大惊小怪。黄智雯特别为杏儿排练“孕妇大乳操”，五位戴上假孕肚齐齐摸胸跳舞，又一轮嘈到拆天。胡定欣、李施嬅、黄智雯三个人齐齐逼入按摩浴缸倒奶倒花瓣浸浴，姚子羚更裸背做SPA，连杏儿都笑言“立花子羚唔系浪得虚名”﹗

李施嬅呢个举动，真系倒紧奶。(影片截图)
+3