【同盟】陈展鹏视帝级演技完美KO星爷 最大惊喜竟然系Joe Junior
撰文： 温菁莉
出版：更新：
TVB热播的剧集《同盟》昨晚终于落幕，虽然外界对于大结局就似乎唔多受落，但剧中都有唔少感动位，就好似鲍起静饰演嘅令熊知道仔仔（陈展鹏饰演嘅高子杰）陷害杀死自己嘅妹妹同姪仔，非常心痛。而高子杰亦在令熊面前痛哭流涕，解释自己为了对方的安全才会这样做。呢幕最值得一提，一定系陈展鹏的喊戏演技可以话系神级，条鼻涕简直可以同星爷套《喜剧之王》尹天仇试镜一样！
不少网友都话《同盟》今次𠮶结局好似赶收工咁，节奏太快，仲话起码可以做多5集先完，而矛头亦指向监制文伟鸿身上，指对方监制的剧集例如《使徒行者》的结局都系烂尾收场。网友当然将去年的《城寨英雄》与《同盟》两部剧集的结局作比较，大部分都笑言《城寨英雄》虽然都算“烂烂地”，但胶嘅程度一定及不过今次嘅《同盟》，仲称呼为“神烂剧”，负评惨不忍睹！
但最好笑一定系操控Rainman背后嘅香港4大最有势力富豪家族，饰演其中一名富豪就系Joe Junior，网友笑言今次监制文伟鸿嘅idea实在太创新，仲话应该揾《四个小生去旅行》中4位小生做4大富豪，顺便叫埋Joe Junior弹结他咁就perfect，只能够话网友嘅编剧功力分分钟好过一班专业人士！