【澳门小姐起底】麦嘉欣好唱得　组“飞弹兄妹”参加《星光大道》

刚过去星期日播完嘅《香港小姐竞选2017》都算是系今个星期嘅热门话题之一，因为冠军雷庄𠒇（Juliette）似乎就未能获得观众嘅爱戴喇，更有不少网友到Juliette嘅Instagram留言，日前她在网上直播中仲被指态度嚣张。今日就有网友揾返2017年国际小姐嘅澳门代表麦嘉欣（Sofia  paiva）作比较，咁又难怪嘅因为Sofia系澳门土生土长广东话超流利，比起Juliette嘅英文难免会有比较，网友仲话见到Sofia感觉到有春天嘅气息，认真夸张！！！

今年20岁嘅Sofia（全名：Sofia vanessa dos santos paiva）身高5呎7吋，系澳门土生土长嘅佢现在系圣若瑟大学读心理系，更将于11月14日做澳门代表参加系东京举行的国际小姐竞选。睇返资料佢就话希望成为一位成功的心理学家，有中葡血统嘅Sofia现职为大学生兼模特儿，系佢个人Instagram中有不少靓相。

但以下嘅消息大家可能要心碎了，皆因Sofia已有一位拍拖一年嘅男友沈柏彤(Kelvin)，早前仲一齐去泰国旅行。而现时做艺人嘅Kelvin除了做司仪之外，闲时都喜欢唱歌，唔怪得之同Sofia咁啱key喇，因为Sofia都好钟意唱歌，今年5月仲代表学校参加全澳大专院校歌唱大赛，系比赛嘅拉票活动中仲同同学一齐以acapella 方式唱出Beyond嘅《Amani》，名符其实嘅人靓声甜！！2015年仲同过哥哥一齐组成《飞弹兄妹》参加台湾歌唱比赛选秀节目《星光大道》嘅海选，仲唱陈小春嘅《我爱的人》，最后顺利进入最后40强。

据知，兼职模特儿嘅Sofia曾在电影《赌城风云III》做过临时演员，而佢亦系周柏豪同谢安琪嘅die-hard粉丝，Sofia不时与“海报”中柏豪影合照，但重要嘅系柏豪2015年系澳门开演唱会，Sofia终于成功与男神集邮！！