【港姐2017】伍乐怡三甲不入　自爆弹古筝非首选：唔轮到我拣

今届港姐冠军雷庄𠒇(Juliette)不断被网民批评及恶搞，相反落选港姐更受网民热爱，打入五强但三甲不入的伍乐怡（Kelly）落选后开live，粉丝问佢点解攞唔到冠军，佢似乎都好无奈：“可能我冇台型。”Kelly妈咪就安慰Kelly：“It doesn’t matter”。

出身于加拿大回流香港的Kelly一直以来都是港姐大热人选，决赛前已获颁“我最喜爱佳丽”和“最佳莎莎KOL大奖”两个奖项，可惜决赛当日连“最上镜小姐”都攞唔到兼三甲不入，好多网友都戥佢唔抵！

Kelly日前由妈咪驾车载佢返TVB电视城期间喺ig开直播，Kelly一开live即唱了两首英文歌，然后开始跟网友倾偈，有网友问佢点解攞唔到第一名，Kelly思考了两秒，然后苦笑答：“点解？我都唔知点解呀！因为可能我冇台型卦，唔知呢！”其实呢个问题应该问DoDo姐唔系问Kelly。然后有网友认为Kelly当晚应该表演唱歌而非弹古筝，Kelly似乎爆内幕：“其实都唔轮到我拣啦！不过如果我拣都会拣番弹古筝。”意思系TVB要佢弹古筝。

Kelly自言开live开上瘾：“唔开live感觉好怪，我喺架车度一闷就会好坐唔定，所以我要开live同你哋倾下偈。”原来她现在是半失业状态，并承诺会多拍YouTube片：“之前直播化妆𠮶啲片段反应都唔错，所以我会去深究呢啲化妆班……但我最钟意系去旅行，所以想开个channel带大家去睇世界。”

当然好多粉丝关心她是否签约TVB，但Kelly似乎未决定：“呢个问题系几好嘅！我唔知呀，睇下之后条路点样行吖！”旁边驾驶中的妈咪唔愿出镜，不过Kelly仍然问佢点睇自己落选港姐，Kelly妈咪就话：“最紧要做番你自己，参选唔系臝就输，输咗就接受现实，你参选𠮶时个心态系去享受去学下嘢，It doesn’t matter！”Kelly听到笑得好开心。