黎明洗脑电音原来系向Kpop取经　晚晚捉雷颂德落首尔夜场蒲住学习

香港嘅舞曲代表，第一时间大家会想起那一位？郭富城？草蜢？其实有位沧海遗珠，虽然佢嘅电影甚至金句较为著名，不过2000年前后一连几首电音快歌，带领当年舞曲潮流，连张家辉杜汶泽都要相继模仿﹗一向走情歌王子斯文路线嘅Leon，当年点解忽然转路线？由于几首快歌都出自雷颂德，外界一向认为系Mark掀头转style，点知佢喺奇妙电视节目“天下第一friend”中，就苦笑话：“黎明系无人叫得佢郁架，所有野都系由佢自己出发！”

《眼睛想旅行》、《听身体唱歌》、《全日爱》、《越夜越有机》、《尽情地爱》等等，作为七八十后真系听到个歌名都忍唔住哼几句！唔少歌迷话呢啲曲风正正系而家嘅K-pop Style，大赞Leon早人哋十几年玩电音玩到出神入化，有人归功于Leon嘅御用音乐总监的Mark，佢接受郑绍康访问时就苦笑话：“黎明系无人叫得佢郁架，所有野都系由佢自己出发！”

Mark解释说：“当年黎明去左韩国一转，返来同我讲要唱快歌！我心谂：快歌，我拿手啦！点知写畀佢，佢话：都跳唔到舞既，听左都唔想郁，最后佢捉左我去韩国两个礼拜！”Mark回想那段日子，日日去不同夜店观摩，他说：“黎明要我观察，到底播咩歌先会令人跳舞，果次真系一个好好既经验！”估唔到黎天王居然会落夜店揾灵感噃﹗

除左歌曲之外，Leon更系第一批与韩国娱乐圈紧密合作嘅香港歌手，99年及01年演唱会Dancers已经系全部来自韩国，更加独具慧眼，喺全智贤啱啱出道，仲未有知名度嘅时候，已经快人一步睇中佢合作拍广告。Leon喺韩国当地人气高企，曾经喺1998年为韩剧《我心荡漾》献唱主题曲《사랑한 후에》(广东话版本《我这样爱你》)。多年嚟Leon仍然有大量韩国粉丝。2016年12月Leon出席《MAMA亚洲音乐大奖2016》担任压轴颁奖嘉宾，更加令一众韩星变晒小FANS排队要求合照，人气可见一斑。