【同盟】陈山聪长跑为操fit　CrazyRunner挑战马拉松：想搞慈善跑

陈山聪往往在剧集中“奸人”，今次在《同盟》中终于可以唔再“奸”，而系饰演一位正气，孝顺又好打嘅角色令千佑，佢直言因为跑步令他觉得“无嘢系唔得”，所以拍今次在剧中全部动作戏都系亲身上阵，“最记得一打10，两部机一齐roll ，虽然ng了几次，但听到最后郭追师傅(武术指导)话ok，𠮶下觉得自己系李小龙上身，好有满足感。”摄影：黄国立场地：PorterHouse

四年前，陈山聪就重拾跑步习惯，当初他跑步是为了重返幕前工作，“因为我想返返去最fit嘅状态，所以就开始跑步。其实我一向都有跑开，只系大家无留意。”其后山聪越跑越爱，仲同圈中好友包括胡定欣、袁伟豪、李施嬅、姚子羚、黄智雯、胡蓓蔚及胡诺言等组成“Crazy Runner”，其后更拉大队挑战跑马拉松，他直言完全无谂过会热爱到咁，“我地现在都有计划之后可以搞一个慈善跑活动，集合一大班跑步爱好者一齐为慈善出一份力。”原来唔止香港有“Crazy Runner”，连澳门都有队，而成员大部分都是山聪在澳门嘅朋友及其哥哥，他直言哥哥对他实在太重要，所以现时无论系跑步定去旅行都会预埋对方一份，“哥哥对我黎讲好重要，我一向同佢感情最好，尤其系爸爸过身之后，当我系仔咁。佢系集阿哥，朋友，爸爸 3𠮶身份系度，虽然佢系澳门，但我地经常会见面。”

山聪指当年与超云分手后，外界封佢为他当时“四失”（失女、失钱、失形象、失事业），佢直言当时有过一段十分短暂嘅时期无出现在幕前，“当时系有帮哥哥手，有好多人都以为我无工开，但其实系有啲私人嘅工作嘅。”而他现时除了做演员外，亦有副业都是由哥哥打理，“我系负责投资，action𠮶下全力交俾哥哥，佢有好多谂法，所以佢话点就点。”

至于今次在剧集《同盟》中，山聪则与好友兼“Crazy Runner”成员姚子羚饰演情侣，“可以同一个好朋友拍剧当然开心，因为私底下同佢好熟，所以拍嘅时候特别投入同有默契 。”他透露今次同子羚揹负著两个家族嘅恩怨，“可以话系罗密欧与茱丽叶式嘅爱情故事，带有浪漫凄美 嘅感情。”

除了可以同姚子羚合作之外，当然唔少得系可以同影后鲍起静做母子，与对方首次合作嘅山聪大赞呢位“妈咪”好cute，“鲍姐唔单止对演员，而系对制作各部门都好用心，所有人都感受到佢𠮶份爱同真。”他透露有鲍姐在场一定唔会肚饿，“佢完全唔会比我地肚饿，又唔俾我地俾钱。其实佢系一个大细路，好多cute嘅一面。”