林作亲解五索割席关系实况　自爆早已认识马生仔女：世界真系好细

林作的好朋友“最强小三”五索（原名钟睿心）早前被爆出是大生银行主席及大生地产副主席马清铿的情妇，成为全城热话，而较早前五索自爆已跟割席林作绝交。林作今日（6日）出席美容商店活动接受访问就事件回应：“割席交友关系，但系不割席商业关系，喺度澄清由头到尾都系收钱拍搞笑片，冇其他角色存在，最多系林作私底下嘅感情咨询服务，同传媒爆料铺排完全无关。”讲到是否私底下没有联络，他直言：“私底下从来都冇交流，宣传𠮶啲更加唔系本人嘅策略，五索个名系我起嘅，但冇谂过变成其他传媒报道。”

唔认同五索发表言论

提到作为五索的好友有否曾经有关在发表言论方面给予对方意见，他表示：“我本人唔系真系好同意，有时候真系会产生唔同嘅误会，有可能对其他家人确实造成一啲伤害，你问我我都公开讲过我阿妈就系因为我阿爸有小三所以离婚，问我系咪一件好事？梗系唔系好事啦！我本身唔系好想讲，但我真系想澄清，个世界原来真系好细我发现我认识元配（马家）𠮶边𠮶啲仔女，总之就系有渊源认识，所以你问我如果系喺认识状态下做啲咁嘅嘢，就冇可能！我自己非常过意唔去，因为影响到人哋嘅家人。”他继续指明白在富豪圈中别人认为他是事件的策划者，并表示：“呢样嘢对我嚟讲好唔公平，私底下我已经传达咗呢个讯息真系唔系我。如果我知道呢件事我真系会全力阻止，我希望大家可以尽快平息！”

坚称唔知道小三内情

被问到是否早已知情五索与马生拍拖，他说：“以我理解实际上系完全一齐嘅关系，咁我就唔清楚背后嘅小三，法律上嘅责任系婚姻定系婚外，老实讲我冇特别去理会，如果真系要塑造一个进击的小三，或者伤害正印嘅嘢，我就唔会同意啰！本身就系一段好融洽嘅情侣关系，就好似我同裕美咁样，本身喺我个角度又唔似涉及有另外一方，似系一对一嘅关系。”被问到有否跟马生见过面，他表示：“系有见过嘅，但全面认识背景我就冇，你话特别要有好心情，其实又冇。”

自爆早已认识马生仔女

至于有否与马生餐聚，他表示：“短暂嘅交流系有嘅，我系见过，但我唔知个情况究竟系点样，因为唔会刻意去问个婚姻状态系点。”他透露因为马生曾经提及自己小朋友的名字，并表示：“我系认识佢啲小朋友，但系我唔认识佢本人真实背景同埋身份，我冇可能叫佢攞张卡片，所以冇特别去了解。”讲到认识马生的小朋友会否有吓一跳，他表示：“世界真系好细，但兆尊讲嘅嘢事实系冇错，有钱人之间嘅世界就好细，你话吓亲就冇吓亲。”