七师傅寄语保锜专心搞事业　再度狠批菊保恋：其实都未开始过

七仙羽（七师傅）同刘颖旋今午喺旺角出席“开运盛典”，七师傅亲传开运秘笈，指属鸡嘅朋友今年将有执行，又指刘颖旋将红到宇宙。七师傅接受访问时透露新年做到无时停，利是亦同过往一样准备了一百万，金额最小都有一百元。“我唔敢派少啲，因为怕佢哋喺背后咒我，我派利是出发点都系想大家开心。”

讲到娱乐圈今年运程，七师傅指今年桃花特别多，叮嘱一众艺人切勿沾花惹草，男女之间亦都唔好乱拍视频，问到其老友保锜初一即惹是非，七师傅表示过将日将会见到ERROR，到时会揽揽对方。“其实佢好奶力变正能量，但系可能做嘢唔谂后果。（可以点化？）佢属羊，揾属兔嘅人同佢会好夹，会增加佢嘅磁场，呢排同埋要做多啲善事的、积多啲功德，绯闻就会减退。”

七师傅认为保锜只要向网友道歉，大家都会慢慢原谅佢。问到结婚冲喜会否有帮助，七师傅即谓：“佢应该无女朋友。（佢认咗）咁个女有无认佢？如果得个男嘅认就变单恋，我嘅睇法系艺人唔好拍拖，专心搞事业，因为粉丝系暗恋你嘛，但你同另一条女一齐会影响。（咁要佢菊梓乔分手？）其实都未开始过，保锜真系专心搞事业、跑步啦，跑步都分开。”七师傅又谓无论睇唔睇好“菊保恋”，都唔建议保锜拍拖。对于“菊保恋”，七师傅其实已非第一次给予负评，去年11月时就以“一定无好结果”狠批。