陈颖欣将跟陈考威搞海外婚礼要时间消化人妻身份　廖子妤想学裁缝

即将踏入蛇年，古天乐旗下公司One Cool Jam Cast和Jam Cast一众艺人：余香凝、廖子妤、陈颖欣、林千渟、麦子乐、 徐颕堃、余洁滢、许月湘、李玗蓁、蔡子轩连同蔡明思、吴嘉禧、李月儿、林嘉宏、刘志伟、林芝羽、屈咏仪、杨雅淇，到九龙香格里拉（香宫）提早举行新春团拜，热热闹闹迎接新年来临，祝愿大家蛇年事事顺利、人人安居乐业！One Cool Jam Cast和Jam Cast蛇年亦将喜事重重，除了有蔡明思Jessica重返公司及顺利诞第二胎外，陈颖欣Yanny亦将于蛇年跟拍拖近八年的音乐人男友陈考威拉埋天窗，认真可喜可贺。

早前叱咤颁奖礼上，陈考威在颁奖台宣布年内与女友Yanny拉埋天窗；荣升做准人妻的Yanny，在蛇年最后一次以“女朋友”身份过新春，对此她笑言：“虽然最后一年𢭃利是，但都唔会好搏命𢭃，因为我派一定比𢭃到嘅多，新年我会出发到北海道旅行。”提到婚礼筹备进展？Yanny指希望在2026年初举行，因暂时仍有工作在身：“婚礼希望尽量得闲啲先搞，同埋唔想喺好热同雨季度搞。本身个婚礼想去日本举行，但传闻有啲天灾，唔想到时宾客同自己会担心，所以可能会转地方，而家仲物色紧边度有舒服、安全又有啲好回忆嘅地方。”

男友无预警宣布感压力

对于男友在叱咤颁奖礼上无预警宣布婚讯，Yanny表示：“佢唔系一个甜蜜嘅人，佢好木讷，我知佢如果得奖，佢话会多谢我，我仲谂佢唔会讲呢样嘢（指结婚），佢几怕丑。叱咤真系好多人睇，𠮶晚好多人Message同打电话畀我，但我系一个比较低调嘅人，𠮶刻好大压力，第二日收拾心情先再覆。”

问到可有为成为人妻而做准备？Yanny笑指不需要：“其实婚后生活冇乜分别，不嬲都一齐住，我只系多咗个称呼，但我自己听到家姐叫姐夫做老公，或姐夫叫家姐做老婆，感觉好奇怪，因为太亲暱，我谂我同佢要一段时间先消化呢个称号。”至于婚后，Yanny表示会继续幕前工作，暂时没有生B计划。

Jessica诞第二胎后复出

至于刚签约重返Jam Cast大家庭的蔡明思Jessica，日前顺利诞第二胎，不过她表示其实今胎比上胎陀得辛苦，她说：“见到自己身体变化，可能好肥，今胎我成日都好肚饿，好惊自己再食落去，一发不可收拾；第一胎，冇经验，事事觉得新奇，但陀第二胎，要凑住大女，好吃力。”Jessica指坐月后将全面复出。提到好姊妹Yanny将结婚，她开心之余还自荐做婚礼姊妹，Jessica又表示不会传授夫妻之道：“每个人都有佢哋自己相处之道，Yanny同陈考威有佢哋嘅相处方式，仲相处得好好。”

廖子妤蛇年目标考车学裁缝

此外，余香凝Jennifer、廖子妤Fish在将过去的龙年十分充实！Jennifer勇夺“影后”奖项，得到的认同也成为她的动力：“尝试演出剧集《麻甩妈咪》，会展现大家未见过嘅我畀大家睇，希望大家喜欢；而今年我又试咗去台湾拍戏，各方面都好满意；嚟紧蛇年，希望自己可以多啲突破，兼顾家庭同工作外，仲揾到自己嘅时间做自己钟意嘅嘢，好好对待自己。”Fish自感过去一年身心出现些状况，她希望蛇年可以好好调整：“今年我希望可以考车、学裁缝，马来西亚16、17岁有车牌，不过我冇考，我系唯一一个返学要同学车埋嘅人，到而家我都要妈咪车，所以我今年目标系考车牌；想学裁缝，本身对改造衫有兴趣，希望透过呢个兴趣令心情平静。”