陈慧娴出道40周年演唱会宣布加开一场　最期待观众成场做一件事

陈慧娴《The Fabulous 40 Priscilla LIVE IN HONG KONG 陈慧娴演唱会》宣布加开1月26日一场！未扑到飞的歌迷，或者想扑尾场飞的，记得12月23日准时上城市售票网买飞啦。

陈慧娴将于2025年1月21日开始于红馆举行40周年《The Fabulous 40 Priscilla LIVE IN HONG KONG 陈慧娴演唱会》，9年没有举办演唱会，门票反应非常热烈，为满足不停求加场的歌迷，慧娴决定再加开1月26日一场！又为答谢歌迷对她的支持，特别于12月23日晚上，制作了份圣诞礼物送给大家 ，圣诞礼物是 : 《Priscilla Chan The Intimate Live》，23号晚上将于其个人及十多个YouTube、Facebook等等平台上播放。慧娴会为大家演唱经典歌曲之余，更会有同今次演唱会音乐总监何丙两人的私密搞笑倾心事，节目将令大家看到一个意想不到鬼马又可爱的陈慧娴。

今次这个《Priscilla Chan The Intimate Live》，讲到 Intimate（私密），问到慧娴有几私密呀？慧娴表示，何丙系节目入面，问我好多奇怪私密问题，系我从来冇答过：“例如佢问我，宁愿一世冇高潮定系一日一百次.....重有咩放屁呀，唔冲凉定唔洗头呀...我都唔记得咁，剩系记得大家一齐笑到肚痛。23号晚上九点，记得睇啦，到时大家咪知啰。”

谈到演唱会筹备，慧娴表示，演唱会除左40年以来经典金曲之外 ，还有好多嘢准备中：“一定要唱嘅歌，从来未唱过嘅歌，好努力练紧歌词，重有好努力排舞中！因为音乐总监何丙嘅编曲非常之咁....劲！咁就搞到舞步都要好多啰。哈哈，咁我都多谢何丙，个编曲系一定令到大家觉得好正嘅。”

问到慧娴最期待演唱会时见到什么画面？慧娴话：“我睇人哋啲演唱会，见到歌手叫观众开电话灯，一齐灯海咁陪住唱歌。咁多年来我自己演唱会，我冇试过叫观众开灯咁做。我其实好钟意呢种温馨令人感动场面，我好希望，如果我开骚个日，由头到尾...由第一只歌开始，大家摇住个电话灯到最后一首歌，咁我可能真系会开心到喊，哈哈...我知咁摇只手会好攰，但系我四十周年㖞，歌迷大家做啲嘢啦，当送比我，哈哈。”