【Big Boys历险记】法科师傅龙哥被上身？ rap住谂咒好freestyle
撰文： 温菁莉
出版：更新：
由阿Bob及谢东闵、朱智贤等人主持嘅探险节目《Big Boys历险记》昨晚就播出第一集，竟然引来唔少观众收看，真系有啲意外。可惜comment不似预期，不少网友都话究竟自己一个钟睇咗啲咩？明明系探险节目，网友就话笑到眼泪都标埋，究竟发生咩事呢？
讲嘅原来系节目第二部分，阿bob同一众主持出发到经常发生交通意外嘅交通黑点帮亡灵超渡，当然要邀请奇门法科师傅人称龙哥嘅杜庆龙师傅。唔知网友系咪睇得太多《中国有嘻哈》，就话龙哥念符咒嘅时候都好似freestyle rap咁，仲话MC Jin有劲敌。但rap都已经不是重点超渡要有符同香先可以成事，但龙哥就话自己唔洗，直接可以同亡灵倾计。
点知龙哥作法期间被亡灵附身，边喊边跪系地下向节目组所有工作人员表示感激，不少观众话睇完片段后都觉得心好痛，仲话好少师传系镜头前咁有，好有演戏嘅潜质 ，下星期一定要追咁话。真定假？娱乐最紧要啰！