【任噏乱评．森美早霸王】男女感情唔再系电台年代
撰文： 何志衡
出版：更新：
森美同小仪主持嘅电台节目《早霸王》最近连续两单示爱环节出现意想不到嘅状况，经验老到嘅森美同小仪都dead air畀唔切反应，确系老猫烧须！
呢两个case一单系男听众“管家婆”打去想同阿希示爱，森美同小仪就喺节目度打畀阿希啦，但估唔到接电话嘅系男仔声，森美已经dear air，再问之下对方确系男仔而且系钟意女仔；另一单系女听众Lucy打去《早霸王》同一个相识8年男仔Bosco示爱，称彼此相爱而且对方曾经表白但被她拒绝，现在藉节目表白，但当森美、小仪打畀Bosco，原来Bosco已经结婚仲有个仔，森美、小仪完全dead air畀唔到反应。
其实呢个环节有啲似廿几年前电台嘅乜乜夫人信箱，听众写信畀DJ问爱情问题或者向心爱嘅人表白，DJ读完封信通常讲几句：“阿边个边个如果你都爱边个边个，就行动证明啦！”诸如此类，简简单单，连被爱者有冇听到都唔知。
但系时代变，phone in也必然甚至可以算系落后，森美同小仪呢个示爱环节，要喺短短十几分钟内了解听众嘅身份同经历已经难，莫讲话系唔系小三、小四，抑或离过婚结咗婚，就算简单如性取向都未必知道嘅情况下，的确唔可以掉以轻心。
感情关系向来复杂，同性恋者也可以豁出去在众目睽睽下示爱，有妻儿子女也会与单身女子搞瞹眛嘅时候，如果仍然以为爱情系单纯只有一男一女嘅关系的话，森美、小仪未免太天真！
不过话说回来，你估两个主持真系咁单纯咩！可能dead air只系为咗节目效果啫，喺呢个年代做电台节目好难突围而出㗎！