专访｜江若琳拍《学警狙击》压力大 角色入屋：电视剧嘅威力好大
江若琳（Elanne）今年8月正式回归乐坛，她于上月底推出第二首派台作品《一圈》，并接受《香港01》 专访大谈创作概念。江若琳在结婚生子前积极在歌影视三栖发展，拍过不少电影，也曾经拍过TVB剧集。谈及昔日在剧集《学警狙击》中饰演江悠悠一角，她表示：“当时我攞完个TVB新人奖，𠮶一晚有个庆功宴，乐小姐（乐易玲）就同我讲有个角色好啱你。”
自爆拍TVB剧四页纸对白压力劲大
被问到当时入TVB拍剧的难忘事，江若琳说：“入到TVB拍剧𠮶阵谂原来啲厂景系咁真嘅，拍剧要好多页纸一take过，因为所有嘅机器都系上边，好大压力，因为错咗一句全场戏就要再嚟过，我觉得系一个好好训练嘅地方，喺新人嘅阶段去拍呢一套剧，之后你就会觉得拍戏唔系好难，因为电影嘅对白短短跟住cut完机先再拍，但拍剧真系四页纸嘅对白，咁多前辈喺度真系唔可以累街坊。”
难忘与周海媚拍剧
江若琳续指与吴卓羲、苗侨伟和周海媚合作都非常难忘，并表示：“因为喺拍戏嘅过程都好照顾我哋后辈，同埋拍呢套剧真系好开心，𠮶阵时出街啲公公婆婆都会嗌我角色嘅名江悠悠，原来电视剧嘅威力真系好大。”提到周海媚当时是否亲自教她演戏，她分享：“佢同埋苗侨伟都有，系非常好，喺拍摄嘅过程会不断教我，教我点样去走位，真系要好准，点样去演𠮶场戏，所以真系帮咗我好多，至少令到我哋唔会有咁大压力，令到成个过程都好投入！”
讲到周海媚已经离世，她直言：“真系好sad，点解会有新歌《一圈》，因为呢几年真系经历好多人突然之间就走咗，或者啲朋友突然之间失联，所以对于生命就觉得好化学，大家唔知道自己嘅一圈会行几耐，或者中途就走咗，所以我觉得开开心心咁过每一日就得，𠮶首歌就讲紧细个嘅时候好渴望做大人，细个嘅时候就会觉得好想快啲长高，童年𠮶一种快乐真系好可贵！”
拍ViuTV与刘美君结缘感情深厚
提到最近与昔日合作拍摄ViuTV剧集《好人好姐》饰演母亲的刘美君聚会，她分享：“𠮶阵时佢拍《好人好姐》做我妈咪，其实好多年嘅关系都冇变过，拍摄嘅时候我哋都系好friend，都拍完嘅时候都有互彼嘅忙碌各散东西，不过过咗咁多年无论我生日，都会同我讲生日快乐，或者我生仔嘅阶段都感觉喺我身边，返香港嘅时候都有同我个仔见面，咁多年都系关系好close！”
她续指当时合作拍摄时双方不用花太长时间去揣摩角色，并表示：“喺呢个拍摄我觉得佢好有母爱，同佢拍戏嘅过程好似都唔系好需要演戏，直接都会觉得佢系我阿妈！”讲到在《好人好姐》饰演比较神经质的角色，她坦言：“我好钟意呢啲角色，呢啲角色比较有发挥，我唔钟意比较太平淡嘅角色，我钟意啲角色有挑战性，好唔似我，有机会可以做戏嘅角色。”
被陈木胜大赞性格好真诚
被问到过去演出最难忘的casting经验，她直言：“我最记得系啱啱出道拍《男儿本色》，其实我记得当时我系新人，同所有人一样喺公司排队casting去见陈木胜导演，之后要去试一段戏，畀个剧本我之后去试戏，对我嚟讲真系好难忘，喺一间房对住空气，畀个剧本我就要去演一个女警察，到最后多谢陈木胜导演畀咗个机会我。”她忆述陈木胜当年曾经跟她说过：“佢话希望我几多年后都唔好改变自己嘅性格，呢个系因为当日点解我会拣你嘅原因？因为当时比佢嘅感觉觉得好真诚，好多人都系呢一行好容易变质，就算几有成就都唔好改变自己嘅性格。”
照顾家庭唔考虑出埠拍戏
讲到现阶段接拍影视作品方面，她说：“暂时唔会考虑出埠拍戏，可能要等小朋友再大啲先，因为而家佢好需要我喺身边陪伴。”至于婚后接戏会否对于拍摄亲热镜头有所考量，她表示：“真系要睇剧本，睇吓会唔会系有得发挥同挑战，但我应该都系放重喺音乐方面发展多啲。”她指老公萧润邦有可能会介意她拍摄亲热镜头，并笑言：“拍剧对我嚟讲真系时间可能太长，所以要迟啲先。”
唔担心变怪兽家长尊重孩子发展
谈及现时育有一岁半的儿子Owen，会否担心日后变成怪兽家长，她直言：“一定唔系，我好尊重我个仔嘅成长，我唔会逼佢一定会读边间学校，我会睇住佢嘅成长去决定去适合行边段路，我希望我可以成为佢嘅充电宝，好需要人哋支持同鼓励嘅时候，喺佢背后𠮶度support佢，我会尊重佢，我会睇到我个仔适合边一类学校。”
被问到有否曾经考虑儿子报读国际学校，她坦言：“初头我有谂过，我想佢开心同埋自由啲，但系我又发觉佢唔系呢一类嘅小朋友，我最近去公园会见到好多小朋友会爬来爬去瀡楼梯同埋跑来跑去，但系佢系揾到个軚盘就会玩一日，或者去到啲Play House系要逼佢瀡滑梯，反而佢会去沙池𠮶度玩，比较文静，所以要拣最适合小朋友嘅性格畀佢去发展，我觉得佢可以行到传统学校。”她透露儿子是猫奴，并大赞他：“每一日起身都要揽住只猫，同埋对啲猫好温柔，同埋佢系好有爱心嘅小朋友。”