Ben Sir带观众去睇楼？　大学毕业3年即上车好励志

Ben sir欧阳伟豪去年就凭综艺节目《Ben Sir学堂》教观众中文教到系人都识佢，今年6月仲开埋talk show，原来佢好快再开新节目《Ben Sir睇楼团》，但今次佢就唔教大家中文而系带大家去睇楼，仲会飞去近年买楼投资热点大阪同曼谷，Ben sir早前接受访问时有讲过觉得买“砖头”系最好不过。

睇返过往嘅报道，原来Ben sir与太太现住的罗便臣道雍景台两房逾千呎的单位，买到咁好嘅楼并非一个人的付出，Ben sir曾透露与太太结婚前的目标就是储钱买楼，大学毕业后3年（即1991年）就已经上车，3年后将原本的单位沽出后，再买入杏花邨单位，可惜当时遇上亚洲金融风暴，最后蚀让杏花邨的单位。2008年适逢楼价大跌，再买入西半山辉煌台用来收租，最后在2012年以1300万元买入现时居住的单位。至于面对现时楼价有升无跌，令到不少年青人对于买楼意欲却步，去年他接受访问就勉励年青人应该要有储蓄的习惯，认为如果有储蓄当楼价一跌，亦可入市。

不知道今次TVB揾Ben Sir做节目主持，是否事前都做过下research，知道佢自有一套投资方法呢？希望到时Ben Sir系节目中可以透露下喇，教下我地一班年青人嘅致富方法，如果可以教埋中文嘅话，咁就真系一举两得喇！！