移民加拿大后悔！港男呻辛酸崩溃　列5大问题想回流：我想返香港

【移民加拿大／移民须知／回流】近年不少人移民海外，但未必人人如意。有移民加拿大港男大呻在加拿大生活辛酸，列出5大问题包括住宿、工作、饮食等，直指后悔移民想回流，“我想返香港……加拿大真系一啲都比唔上香港”。

帖文引来网民热议，认为回流香港也无不可，“其实喺外国嘅生活唔一定好过喺香港，所以香港都好多外国人来定居”、“使咩后悔，回流香港仲易啦”。也有网民认为可考虑清楚，“（加拿大）地方大，个人都舒畅啲”、“其实移得民就预咗”。

港男列5大问题呻后悔移民加拿大

该移民加拿大港男于连登讨论区以“加拿大真系一啲都比唔上香港”为题发文，称已获得永久居留资格，惟在加拿大生活辛酸，并力数5大问题，包括住宿、工作、政治、饮食和旅游，“最近我真系顶唔顺，好想发牢骚”。

移民加拿大问题一：住宿

楼主表示，他在香港租金占只占收入不足一半，但在加拿大住“将军澳级别”套房，租金占其薪金三分二，直指“点X样喺度安居乐业？”，“你系香港最多交租万几蚊，住可能细少少，但住既开支都系占你收入一半都无，仲储到钱可以有返啲生活。系呀外国你系住大咗，你知唔知而家几钱租？$2500（加拿大元，约1.4万港元）1房，$3500 2房（加拿大元，约2万港元），香港边度2房要HKD$2万？无钱呀？同人分一齐住啰，X你我喺香港折堕极都唔使倒退住㓥房”。

移民加拿大问题二：工作

楼主自言英文差，在加拿大工作机会较少，亦难以融入，“最惨就系我英文差，你以前见工符符碌碌都过到骨，而家连第一步过HR姐姐𠮶关嘅机会都无。英文差就系，你点样融都融唔X入到local，人哋机会都唔X会畀你，你哋咪X再自己art（呃）自己，只有1条路，就系围炉揾返啲国／粤语嘅公司，一系自己做老板创业”。

移民加拿大问题三：政治

楼主说，“一日到黑剩系讲毒！讲高税！投保守党！”，认为只是“口水交”，又不满政党宣传广告包含粗言字眼，“啲政党落广告有冇咁肉酸？而家打烂仔交？讲啲嘢咁唔大体又话文明国家？”。

移民加拿大问题四：饮食

楼主形容“我而家最X嬲既就系‘食’”。他解释，“出街想揾个茶记食下都无……成$15（加拿大元，约85港元）食个早餐……X街啦个个餐都$15，我喺香港使X咁贵食个早餐”，直指“X你，我想返香港”。

移民加拿大问题五：旅行

楼主认为机票昂贵，“你知唔知我揾min pay？张机票万几蚊港纸，去日本又系，去台湾又系，去韩国又系，去泰国又系，我真系无晒以前嘅所有美好的回忆，又储唔到钱”，感叹“台湾／日本真系好美好，我人生已完”。

楼主最后大呻后悔，“洗湿咗个头，返唔到转头，唯有做番上一代爸爸妈妈走难嘅穷人，希望下一代可以过得更好”。

网民意见两极

网民看过帖文议论纷纷，有人认为可回流香港，“其实喺外国嘅生活唔一定好过喺香港，所以香港都好多外国人来定居”、“你咪卖晒啲嘢返香港啰，香港生活咁好，你又何必留喺加拿大”、“使咩后悔，回流香港仲易啦”、“觉得边度好就去边度，听人意见去拣地方住系onX嘅行为”。

也有网民认为要考虑清楚，“（加拿大）地方大，个人都舒畅啲，揸住车去road trip，有森林有湖泊，有山有水，camping 煮下饭仔煲下咖啡，影下相画下画，钓下鱼，再唔系去靶场烧下枪，不知几写意，香港你揸架车个半钟都到边境，去得边”、“其实移得民就预咗”，“加拿大好唔好就唔清楚，但你拎最低工资嘅话，咩国家都唔会过得好㗎啦”。