专访｜陈柏宇指做老窦戒夜蒲饮酒习惯　自爆冲凉囡囡随时会冲入嚟

陈柏宇即将在12月1日于澳门举行“我在．LIFE IS LIVE”演唱会，这次亦是他相隔六年再次在澳门开骚。陈柏宇最近接受《香港01》专访表示：“又兴奋又紧张，点解紧张呢？因为我睡眠质素又开始下降，虽然都系瞓到八个钟，但系成日都会醒，如果唔系有演唱会就好少呢个情况。”他指特别紧张筹备有关舞台的环节，并表示：“相信喺澳门嘅舞台机关都唔算特别多。”

澳门开骚讲明唔愿除衫

提到演唱会的主题，他说：“演唱会嘅名称就系LIFE IS LIVE，演唱会想表达嘅内容就系音乐同埋生活嘅结合，近呢几年观众对于陈柏宇嘅感觉，本身佢系一个歌手，但系而家就通常家庭生活为主。”他继续指享受与乐迷分享日常生活，并表示：“喺呢个行业里面都唔系太多嘅艺人会分享家庭嘅生活，尤其系歌手，KOL嘅艺人当然会分享得比较多，我觉得分享家庭生活一定系排第一。”至于演唱会会否考虑除衫骚肌，他幽默回应：“唔会多过会，因为我都唔系好钟意除衫。”他透露今次演唱会的歌单与上次澳门骚并不一样，并表示：“歌单会因应想表达嘅题材而去适当地拣歌，除咗自己嘅歌曲，仲会唱其他歌手嘅歌曲。”

澳门开骚大呻紧张冇私人时间

被问到相隔六年再开骚感受，他分享六年前诞下第一个囡囡，之后荣升爸爸，他说：“我觉得六年最大嘅变化一定系有咗小朋友之后，生活上面嘅改变，成日都会挂住屋企，个人嘅活动除咗运动之外，已经冇晒出街食饭嘅生活，得闲喺屋企都系打吓麻雀。”他透露自己在年轻的阶段经常会出外与朋友喝酒，并笑言：“10年前嘅时候真系好多，但系生咗小朋友之后就冇啦！”至于会否减少打电动，他说：“打机都仲会有嘅，因为囡囡都好钟意打机，通常而家打机都几只手一齐打，因为每一个屋企成员都想按个遥控掣。”他自爆冲凉也没有私人空间：“囡囡随时会冲入嚟。”谈及有否刻意培养囡囡的音乐天份，他表示：“冇特别去培养，不过两个囡囡对于音乐都有一定嘅能力，特别系识得跟住个Key去唱歌。”

冇谂住再生仔

提及演唱会海报紧抱着两位囡囡，反而老婆符晓薇没有入镜，他说：“其实唔系刻意唔叫老婆入镜，系因为当初影呢张合照嘅时候冇谂过会做演唱会海报，呢一张相系以前拍MV影嘅。”他透露考虑再影香港海报，到时候会邀请老婆参与。至于现阶段是不是囡囡在家中的地位比老婆更高，他表示：“其实实际上一定系，理论上唔系，老婆系有照顾自己嘅能力，不过囡囡反而冇，老婆排行高嘅意思系因为佢讲嘅嘢必定要做，但系囡囡所讲嘅嘢未必要做，但系花喺囡囡身上嘅时间就一定多啲。”提到会否考虑再生一个男孩，他笑言：“追仔就冇，意外再生多个嘅话就唔知道啦！但冇计划要生多个。”

被问有意进军日本音乐市场？

讲到现阶段音乐的发展是否目标进军日本市场，他说：“我都想，但呢个唔系一个计划，但呢一件纯粹系发生咗嘅事，呢两三年好似突然之间同日本嘅关系近咗啲，有机会上日本音乐平台《THE FIRST TAKE》，但系唔系刻意嘅，系咁啱有机会。”他指录制《THE FIRST TAKE 》当然紧张，并表示：“𠮶一件事就等于唱live，但就系冇晒啲观众喺度，对于唱歌嘅质素仲可能紧张啲。”

唔愿意为争奖项做歌

提到现时对于音乐颁奖典礼的看法，他说：“而家唔系唔在意过以前，不过好似以歌曲嘅内容同埋曲风去猜测我对奖项嘅投入程度嚟计，永远都系觉得做一啲大众喜欢嘅歌曲系最好，做啲偏门类型嘅歌曲，唔系商业市场为主，其实呢一样嘢完全都唔系我做歌嘅出发点，一定系而家嘅音乐风格反映到我多啲嘅嘢。”他强调现时制作音乐并不是因为市场的需要而去制作，并表示：“但系可以用‪商业嘅角度去调整编曲或者唱法嘅部份。如果大家都系觉得为咗奖项而去做歌去争奖，咁就会变成全香港得一首歌。”

大谈江若琳相隔10年再合作

至于日前与江若琳齐齐亮相TVB音乐节目，也获得相当不错的回响，他说：“好正呢个感觉，同江若琳对上一次合作已经起码10年前，永远同其他人一齐分担台上嘅压力，已经系令到我舒服啲嘅事情，同一个熟悉嘅Friend嘅人去分享，就更加放松。”谈及会否考虑集合2007年时期新人共同举行一个纪念成演唱会，他表示：“我成日都有一班2007年新人歌手咁样讲，我谂公司会有啲难计划，因为真系太复杂，又要同大家迁就个档期，我觉得系一个困难嘅挑战。”提及当年开的“2007年新人歌手群组”是否林峰依然在名单当中，他透露：“林峰仲喺度，间唔中会有人喺群组度𠮶度讲嘢，对上一次李卓庭开骚，就话俾大家听，大家都会有回复，可惜最终𠮶一次我去唔到。”

Credit

化妆：One Tung @onetung

发型：Alex So @alexso_theattic

Stylist：Sam Cheung @exactly.the.sam

服装：@white.whale.company

场地：Prisma Coffee