企业强人｜龚嘉欣四种喊法技惊四座 获网民封为“泪之女王”
撰文： 吴子生
出版：更新：
龚嘉欣入行16年出名肯博肯挨，最近主演的无线（TVB）热播剧集《企业强人》收视口碑不俗，她更大展出色演技，于一晚四场喊戏，展现出四种层次的演技实力，被网民封为“泪之女王”，更获力推做视后！今日（10/10）嘉欣现身南昌出席《企业强人》宣传造势活动接受《香港01》访问时表示：“其实网民畀呢个名我，我真系好惊喜。而今年系我入行16年，大家睇住我由小妹妹，慢慢咁样进步。而我拍𠮶几场戏，其实系好大压力，因为当年《幕后玩家》我攞咗奖之后，到而家我再去演嘅时候系有压力，系会谂点样可以令到观众睇到以前同而家唔同嘅我。”
嘉欣续说：“其实拍之前我系会谂好多嘢，但到拍嘅时候我系乜嘢都冇谂过。谂返以前细过嘅时候，系需要听歌等培养情绪，但而家就唔再需要，因为好快就可以投入得到，想做咩就做咩。而本身自己都系好眼浅嘅人嚟，亦喊唔停嘅人嚟，变咗有时拍完喊戏个人系好攰。而令够做到网民心目中呢一个名，我真系好惊喜。”