吴文忻自揭乳癌复发后首露面　赴泰国做细胞治疗：强过晒所有人

前港姐季军吴文忻（现名吴忻熹）与大女陈芊彤（Scarlet）和细女陈施辰（Season）今日（28日）现身中环出席慈善嘉年华，今次亦是吴文忻自揭乳癌复发后，首度出席公开活动，她在接受访问时表示：“我而家身体都好精神，做紧细胞治疗，我上个礼拜喺泰国打咗220亿免疫细胞入去，其实我三个礼拜前第一次去到泰国了解呢一个细胞治疗，即时俾佢哋抽血喺我嘅血液里面攞咗啲细胞去打癌细胞，总共大概1亿左右，就等佢哋组合到220亿，啱啱我上个礼拜就去咗泰国打返落自己身体，啲细胞喺我身体度打紧啲癌细胞，所以我而家啲免疫系统强过晒所有人。”

讲到是否暂时停止化疗，她坦言：“暂时停止，如果之后有需要都要用嘅。”被问到为什么会停止化疗，她表示：“其实两种唔同嘅治疗，其实化疗大家都知，但系细胞治疗香港未有。我做过资料搜集泰国、台湾、同埋内地其实都已经有，香港就据我所知有公司都有申请紧攞牌去做，但系卫生署未批。”她续指自从传媒报道她乳癌复发之后，收到许多朋友的慰问和资讯。她分享得知朋友患癌仍能够康复，所以对于病情相当有信心，她又强调去到泰国治疗并没有副作用，同时可以趁着机会旅行去按摩放松。

被问到今次是否第一次与两位女儿一起参与活动时，她说：“系呀，第一次啊！我觉得佢哋两个表现好好，其实佢哋而家呢个世代，佢哋有自己嘅社交媒体帐号，佢哋成日都会拍片同埋跳舞，都要问过佢哋想唔想接呢一个活动。”吴文忻的两位爱女则在旁边笑说非常高兴能够参与今次活动，并透露对于演艺圈相当有兴趣，而吴文忻亦十分支持女儿：“最紧要佢哋想。”讲到两位女儿是否帮妈妈剃头时，她们即异口同声表示：“系呀！好惊整亲妈咪。”吴文忻透露现阶段可以留长头发。提到医生有否明言不能去人多的地方，她说：“如果做紧化疗嘅时候就系，但系而家已经停咗，做紧细胞治疗增强咗自己嘅免疫系统，就变返正常人咁样，打一次就可以。”她又透露明天将会去泰国复诊。吴文忻将于下月踏入50岁，讲到今年的生日愿望，她就表示：“生日愿望就一定系快啲好返。”