【书展2017】33岁李彩华出写真　唔怕网友笑高龄：宜家无呢啲喇

好耐都无系香港出现过嘅李彩华，今日就著住闪令令嘅珠片外套加鱼网丝袜，首次现身书展出席写真集发布会，都引嚟唔少市民围观。问到已经33岁嘅李彩华，会否怕被网友笑称太高龄先出写真，她笑说：“大把大我十几廿年都出喇，宜家无呢啲㗎喇。”

李彩华之后仲话唔会去听呢啲唔好嘅评论令自己唔开心，“可能有人会钟意我呢种清新嘅味道。”提到今年都有好多后辈出写真集，怕不怕销量会受威胁时，佢就话唔怕，“我觉得各花入各眼，每一个类型嘅女仔都有人钟意，唔会去好care。”睇番本写真，入面都有好多水著照，李彩华就话最紧要靓为主，咁男朋友有无诈型？她表示，“佢俾咗好多意见，话影得好靓。（有无预购？）无喇，佢预购嚟做咩，派俾边个。”