林明祯否认同Edan拍拖　甜笑称仍是朋友未追到手：对感情比较保守

MIRROR成员吕爵安（Edan）自公开认追求林明祯后，引发“爵屎”不满，产生退粉潮，更有粉丝留言闹爆Edan：“佢系fans一手一脚捧出嚟，可以话系冇fans就冇而家嘅成就，唔拍拖可算是为粉丝服务，大佬我畀咗几多钱落你度，偶像拍拖绝对系唔专业。”

事件中女主角林明祯今晚（12/9）现身中环出席时装骚活动，接受《香港01》访问时讲到之前身体抱恙停工，“好朋友”Edan有冇问候，她立即Hang机，然后说：“有呀，都会关心。”她透露二人是在朋友聚会认识，相识一段时间，偶尔会联系。

早前Edan高调表示正在追求明祯，她表示：“其实喺佢公开出Po文嘅时候，佢系有同我一声，同埋有同我讲好抱歉，造成我困扰，我觉得还好吧。他会这样说都是Gentlemen，有风度。”

讲到目前是朋友还是情人，原来Edan尚未追到手，林明祯说：“而家我同佢系朋友嘅关系，而我对感情系比较保守，我需要一段时间认识了解，才会知道适唔适合，然后才会知道喜唔喜欢，暂时我觉得顺其自然吧。（你对Edan要观察几耐？）哈哈，顺其自然。（Edan公开认爱遭粉丝闹爆！）相信有很多欣赏他喜欢他的粉丝朋友在他身边。（有冇收到佢粉丝留言追击？）呢个真系冇。不过佢都有同我道歉讲造成我嘅困扰，但我呢边还好冇收到恶意嘅评论。（你啲Fans都支持你？）目前还没有见到他们。”