专访｜ANSONBEAN与女友张天颖创作新歌契机：得我同你比较Close

跳唱歌手 ANSONBEAN（陈毅燊）最近推出首张个人专辑《ONE DANCE》，唱片封面以熊熊烈火为背景，寓意着蜕变成长，他更半裸上阵大晒爆肌身型。 ANSONBEAN接受《香港01》 专访新专辑的创作概念、剖白初入行迷失阶段，以及与女朋友张天颖公开恋情原因：“我冇谂住公开，净系俾人哋偷拍到，所以曝光。之后我曾经出过一个活动做访问选择公开，系因为我见到网上一个留言攻击紧女方，个报道佢话好早之前已经识我，想澄清呢件事其实佢冇，我都唔想啲误会佢，同埋我哋真系拍紧拖。”

新专辑《ONE DANCE》的创作概念

ANSONBEAN分享新专辑的创作概念：“想用爱情同埋欲火嘅故事去比喻现实世界嘅成长，当系爱情可能你咩都想试吓，去到呢个花花世界地方，去到一个时间就会揾到自己真正重要系咩。”他指新专辑的次序以《OMG (on my grind) 》开始，并表示：“讲一个内向嘅人喺呢个行业里面，有好多挣扎，点样去接触出面个世界，会觉得好矛盾。”他继续指之后就相继推出《LOVE / PAIN》、《IMPATIENT》和《CALL ME (Late At Night), Pt .2》，这一批歌曲都是比较坏男孩为主。他直言今年压轴推出的新歌《ONE DANCE》，顺势推出专辑。

对于新专辑筹备长达两年多，他坦言：“啱啱开始做歌嘅时候谂住推出四步曲，例如好似爱情故事系有计划过，但当冇做到呢件事，就谂住乜嘢都试吓，所以呢只碟有好多歌都冇放到落去，例如：《聪明豆》和《you made my day》。”他指现阶段发现自己想做一个R&B的歌手。他重提初入行有一段时间比较迷失，并表示：“出《OMG (on my grind) 》𠮶一期需要同外面嘅世界交代同埋表达更多嘢，觉得好唔舒服，所以就写咗呢首歌。我好多生活上嘅一啲经历，𠮶个时期点样谂就变咗做一首歌，呢几年我有高低起伏。”

曾自觉使用社交网压力大

至于专辑收录的一首作品《OMG (on my grind) 》内容曾经讲述与传媒相处的体会，他说：“个MV讲啲记者系咁喺度影相，我好辛苦。其实呢一刻我都感恩同记者去分享，我觉得有人想问你嘢系一件好事，如果冇人问你嘢就更加差，𠮶阵时我想用呢样嘢去表达社交网站嘅疲劳。”他指若果不活跃使用社交网，观众就会忘记你，并表示：“我觉得呢样嘢压力好大，而家嘅社会实在太快，速食文化都好劲，放低个电话一阵就会损失咗好多粉丝。”

与女友张天颖创作新歌契机

提到新歌《ONE DANCE》与女朋友张天颖（Jaime）共同创作，他透露合作的契机：“因为我觉得对于呢一首歌曲唔系好适合自己，又唔系咁容易揾到，去到自己写嘅时候又冇呢个能力，最后我就问我女朋友可唔可以帮手写到呢首歌，我同佢讲因为得我同你比较close，所以先表达到呢首歌，同时间我知道佢有呢一个能力。”他指与女朋友创作的时候，因为自己对于猫毛敏感，所以曾经向女朋友发脾气，他说：“女朋友要求开始录歌，跟住我有点炆憎自己嘅状态，所以个语气唔系咁好，所以突然之间哼出嚟嘅感觉就有啲后悔，想表达呢一种感受俾佢听，而改变咗原本唔想唱慢歌嘅构思，呢一场意外就变咗首歌讲后悔和承诺、成长嘅一首情歌。”

剖白公开恋情原因

被问到当初大方向传媒公开恋情一事，他坦言：“我冇谂住公开，净系俾人哋偷拍到，所以曝光。之后我曾经出过一个活动做访问选择公开，系因为我见到网上一个留言攻击紧女方，个报道佢话好早之前已经识我，想澄清呢件事其实佢冇，我都唔想啲误会佢，同埋我哋真系拍紧拖。”他坦言自己有思考过公开恋情的问题，并表示：“𠮶一刻我觉得事情都发生咗，所以都系天注定，我哋两个都沟通好，我哋觉得都冇乜嘢嘅，两个都冇做错事，我哋都系拍拖啫！”提到二人拍拖的生活小趣事，他说：“我哋会每日分享三件小趣事，一段关系都要维系，就算系感恩嘅嘢都会开心啲，同屋企人都会咁样相处嘅。”

Hair : Milk Chan @ Xenter Salon

Make up : Zoe Fan

Wardrobe : RICKYY WONG STUDIO

场地提供：FWD HOUSE 1881