何伯何太住酒店被赶警方到场　要求与房屋局局长谈判︰点解加害我

因《东张西望》成名的何伯与新何太，成为香港人的关注对象，其中何伯被网民质疑是“公屋富户”，亦被证实在未加名情况下长住何太的公屋，房屋署长罗淑佩曾表示会严肃跟进事件，强调有违规必定执法。而上周五房署向二人发信，指若何伯继续居住在该公屋的话，就会再发出搬迁通知书。自当天起，何伯变得无家可归，两夫妻四出揾酒店入住，连日来在酒店开直播。

不过，昨晚（13日）网台“无粮军师Water”收到报料，指何伯何太黄昏在天水围一间酒店现身，并在警察陪同下拖箧走人，闭路电视亦显示警察与二人现身公屋大楼内，令人好奇他们是否被捕。但同日晚上，何太在另一间酒店开直播，指两公婆原本住天水围某酒店，却被“黑粉”投诉，遭酒店赶走，大骂该酒店和黑粉，二人更要求要房屋署署长罗淑佩以及房屋局局长何永贤对话。

何太说：“我需要同何局长对话！我星期五已经同你啲房屋署职员倾好咗，我遵从你哋柯打，从𠮶日开始我老公已经冇再喺𠮶度住，点解你仲要出一封信压逼我？咩意思？想加害我定点？”何伯亦说：“我要求同局长谈判！纵容下属逼害市民！揸住鸡毛当令箭！”

他们认为连酒店都逼害自己，何太称：“香港好快立立乱，依家连酒店老板都骚扰人，10号我哋住天水围，下昼我都落咗单，畀咗钱，都即刻取消咗，冇得畀我住都要退钱呀。差人喺𠮶度了解事情，所以申请紧，客服话三至五个工作天退房钱……”何伯又向香港政府喊话，称：“我要香港政府听到呢句！我哋订咗酒店，佢话黑粉打电话骚扰！”何太：“佢意思话唔敢做你哋生意，你要退钱㗎嘛！”何伯续说：“你俾佢威胁住！香港政府咁嘅！俾𠮶班人作反都唔理𠮶班人？香港就嚟俾佢玩沉喇！”

何太在直播中多次表示自己被不法分子逼害、诬蔑，强调星期五起何伯已再冇住在该公屋，只是会回去煮饭食、洗衫、执行李等等，全部有闭路电视为证，并冇违规，但仍再被房署职员“搞”，促请何局长要正视问题，表示：“房屋署局长听住呀你！你𠮶两位手下已经听到，我哋收到都照做㗎喇，我老公即日已经搬出去住……”希望有关当局秉公办理，不要在不知情下任由下属乱讲乱做，更闹房署职员“X街”。何太指自己已忍无可忍，“房屋署做做下都乱嚟，我真系顶佢唔顺！今晚我忍无可忍，𠮶日星期五，你竟然咁决绝，你话最后一日，我都执行，𠮶晚之后我老公都冇再喺𠮶度瞓。今日又嚟搞我，我都闹咗佢一身。我都失晒控，你都乱嚟嘅……”何伯认为黑粉唔抵得夫妻恩爱，想拆散二人，房署又赶狗入穷巷，再次要求与署长、局长对话。

二人称这几日花了几千蚊住宿费，住酒店又被人投诉、被酒店赶走，简直冇天理，何太说：“根本呢，不法分子呢，好快大乱呀！不择手段搞我哋！老公无得住，佢都要出去骚扰人哋酒店老板呀。一个社会系咪应该咁样？”何伯更称睇见都心淡，香港俾人搞弯。

不过期间何太突然又闹何伯，称是他之前曝露了酒店住址，才会令“黑粉”知道，何太骂：“次次都系你曝露咗先搞到今时今日，你仲未知死？”之后他们又说，如今住在李嘉诚旗下的酒店，因相信李嘉诚这么成功，不会被黑粉威胁到，“我专登揾香港首富投资嘅酒店嚟住！我就唔信冇人炮制你呢班胡作非为嘅人！”又说：“我要睇下香港首富会唔会俾你威胁得到！黑粉敢唔敢威胁人，未食过国家粮、皇家饭顶喇！”何太之后又安慰自己，指婚后未试过同何伯度蜜月，如今就当作去酒店住吓、度吓蜜月。

二人又质疑，酒店不接受他们订房，退钱就够，问为何酒店要报警，反问：“发生咩事？点解要揾警察搞我哋？唔畀我住我只系要求退钱，叫警察到底咩事？”何太又称：“你陀得支枪要尽职尽责㖞！”、“我要睇你班黑粉控制到人哋几间酒店至得！个社会点样俾你搞！”