争霸︱邱万城曾合作《正义回廊》　遥距支持庄韵澄︰佢唔系冲动嘅

香港黑帮传奇电影《争霸》由黄泰来监制、刘俊辉执导，吴岱融、潘梓锋、冯素波、黎燕珊、利颖怡、邱万城、刘子仪（可人Kelly）主演，电影今日（3日）举行开镜仪式，祈愿拍摄顺利票房大好。《争霸》剧情讲述两代于澳门叱咤风云的黑帮传奇人物发迹与衰落的故事，资深电影及舞台剧演员邱万城亦于开镜仪式上接受访问，分享发展近况并谈及曾合演电影的庄韵澄（Xenia）的离婚事件。

邱万城谈及《争霸》角色时表示，自己的戏份将贯穿整部电影：“因为岱融哥系我真．大佬嚟，我系佢头马，而阿华（潘梓锋　饰）就系我条𡃁，系我介绍佢畀岱融哥识嘅！所以佢哋话我嘅戏份会贯穿成套戏，我都吓咗一声！”在《争霸》以外，邱万城更透露有份参演另一部话题巨作：“我最近有拍《寒战III》少少，因为《寒战II》我都有拍，几好玩㗎！”但剧组目前保持一切神秘，邱万城亦表示希望观众到时入场支持！

Xenia庄韵澄近日决定离婚并成为新闻焦点，曾与Xenia在《正义回廊》合作的邱万城亦表示关心对方情况：“其实唔敢骚扰佢，对一个女仔嚟讲婚姻咁大件事，反而我哋畀唔到啲咩意见佢。”他亦续指：“但我觉得表姐（庄韵澄于《正义回廊》角色）佢系一个理性嘅女仔，希望件事可以好好结果。啱咪一齐、唔啱咪分开啰，何苦要折磨大家、仲要折磨个仔，我就觉得（准前夫）有啲过份！”

庄韵澄离婚登上新闻后，邱万城一直未有与对方联络：“有支持下，佢出啲Post我咪Like下，精神上嘅支持好重要，但我觉得佢谂清楚先做、唔系冲动嘅。”

谈到发展近况，邱万城亦透露五月时入院为膝盖进行手术：“我瞓咗三日医院就落床，一个月后就唔驶撑拐杖。”续指未对拍摄造成太大影响：“冇乜后遗症嘅，但感觉有嚿嘢喺膝头哥入面，因为佢成个都系钛金属，去机场（过金属探测）就会嘟嘟声！”至于术后能否应付《争霸》拍摄的动作场面，邱万城则表示：“有一场大场面，我好期待㗎，会喺澳门出现。我已经讲咗做到就做，真系做唔到就麻烦畀个替身我。”