钟嘉欣忽然现身TVB　为复出铺路接拍《再创世纪》？

撰文： 温菁莉
出版：更新：

去年荣升妈咪嘅钟嘉欣，生完囡囡Kelly后间中都会旋风式回港出席活动赚下外快，赚完就即刻飞返温哥华继续凑女。昨日她又再返香港出席活动，但今次就唔即刻飞返加国凑女，反而就返娘家TVB仲上载照片到IG，叫粉丝估下佢返去做咩！

王君馨将于今个星期二于香港摆酒，到时又会出现“最靓姊妹团”了。

其实去年就不时传出钟嘉欣复出的消息，但就只闻楼梯响。而早前她回港时就为《溏心风暴3》录歌，似乎为复出铺路。近日更传嘉欣落实拍摄TVB重头剧《再创世纪》，与郭晋安、杨怡等人合作。今次嘉欣仲返到TVB，睇嚟拍剧嘅事系真㖞!讲返重头剧《再创世纪》是TVB与爱奇艺合拍的剧集，制作费过亿兼拍摄期长达一年，都几罕见。但如果嘉欣返港拍剧，咁咪无得见宝贝女Kelly？据知，今次《再创世纪》剧组会到温哥华取景一个月，咁嘅条件当然完全啱哂嘉欣，又可以凑女同照顾老公。

另外，今个星期二将是嘉欣嘅好姊妹王君馨于香港补摆酒嘅大日子，上月中苟芸慧同岑丽香就缺席去唔到，只有李亚男同嘉欣上月中亦有亲赴美国见证对方的婚礼，今个星期二处女党就终于齐脚，相信到时又会出现“最靓姊妹团”！