MC张天赋扫奖不忘留意DJ SODA性感打扮　等对方揾自己集邮

MC张天赋横扫五奖成“第45届十大中文金曲”大赢家，他以《世一》歌词“被封榜首很难负荷”形容心情，接下来嘅目标系要对得起所拎嘅奖。九展结束运作在即，MC表示由未出道到出道都在九展参加过不少活动，今晚获奖更算是一个完满结束。“最难忘系喺九展拍嘢，当时因为住得远又穷，所以留喺九展过夜。”

颁奖礼今晚请来韩国嘅DJ SODA演出，坐第一排嘅MC似乎十分投入对方演出，他说：“第一排一定要投入！（佢著得好性感）哦，咁性感都一定有留意嘅（揾佢集邮？）睇下方唔方便，或者佢都识我，揾我集邮呢？！”而身穿Deep V晚装嘅DJ SODA，喺颁奖礼后结束后，摆出多个甫士任影唔嬲。