罗莽赞甄子丹有大师风范：佢啲拳风好犀利！
撰文： 林通贤
出版：更新：
罗莽早前接受《01娱乐》专访，分享入行50年在电影、电视圈所见所闻，当中最吸引一定是拍摄《叶问2》时与甄子丹对打一幕，原来丹爷某些镜头都需要替身，不过罗莽师传今次就再补充，表示自己拍摄时都有用替身，他说：“甄子丹有同我过招嘅，我忘记咗，有时我拍摄都要用替身⋯”
罗莽更指丹爷有一代宗师风范，拍摄《叶问2》虽然过程辛苦，但对其他人都有礼貌，罗莽更表示自己疯狂NG，但丹爷冇发脾气，还走去鼓励他，令罗莽很记得，他说：“子丹呢我对打𠮶时，其实打咗几下咁样，佢有一下就争啲打到我，咁佢好关心啊，‘有冇打到你啊？’我话冇、我话你啲拳风好犀利，我讲咁啊。”
“我仲记得应该系《叶问》第三集，我好多对白，讲好多武林人士嘅乜乜⋯⋯我已经练熟哂喺前一晚，但到第二日，佢因为𠮶个座位嘅问题，𠮶啲武林人士调转嚟坐，变咗我练熟咗啲对白，就唔同哂搅到我系咁NG，都NG咗半日呀，但子丹就好好冇埋嚟啰嗦，佢走埋嚟同我讲话都几难嘅，佢话佢理解，有啲人话佢暴燥，根本就唔系咁样⋯⋯甄子丹系一直都好欣赏我嘅外型同埋功夫片，佢话我啲肌肉冇咩人有啊 ，佢话有睇我啲戏㗎，其实我大佢十年到啫、佢真系好有心嘅。”