陈慧敏生日宣布喜讯　相隔7年下月连开两场个人音乐会

陈慧敏4月3日（今天）生日快乐！大一岁的慧敏哥，在踏入生日零时零分，在社交平台宣布于5月17及18日，假香港艺术中心寿臣剧院举行两场音乐会，并于4月10日优先订票，慧敏哥说：“生日想送一份礼物俾自己，而不经不觉原来7年已经冇开个人骚，所以好想好想系今年完成呢个心愿。”音乐会上，慧敏哥更兴奋表示找来了The Hertz任音乐总监，顿时令她感觉不再孤单。

今次音乐会名为《“趁我们还有__ ”陈慧敏个人音乐会2024》，慧敏哥解释，音乐会名用上下间线，原因是希望透过音乐会与大家去寻找各人心中的答案，说：“疫情呢几年返香港，成日听到身边人讲失去！大家讲嘅失去，系因为疫情？系因为经过咗好多生离死别？战争？定系因为好多嘢唔同咗？心情未平复到？所以我系到谂，会唔会尝试换个角度谂，系大家谈论失去同时，其实我哋仲有啲咩？所以有咗今次音乐会嘅主题，亦系一条填充题，同大家一齐面对、一齐揾内心答案。”

谂好音乐会主题，下一个就是音乐总监，慧敏哥期望透过今次音乐总监能令阔别7年乐迷充满新鲜感，而事有凑巧，慧敏哥在一个骚上接触了The Hertz，当刻就锁定了找他们合作，说：“今次The Hertz会成队Band一齐做我嘅Music director，佢哋本身就系团队，而我咁多年来都系一个solo嘅歌手，系佢哋身上会更加感受到团体嘅力量。今次个音乐会上，我哋会有好大合作，互相擦出不同嘅火花，特别音乐上面点样去rearrange过我嘅音乐，一齐行一齐去揾我哋呢个骚最终面貌，一齐行嘅过程系最令我期待，所以都邀请大家嚟同我哟一齐同行一齐去揾到自己内心嘅呢一个答案。”

《“趁我们还有__”陈慧敏个人音乐会2024》详细资料：

主办：棋人香港、木船音乐创作室

日期：2024年5月17、18日 （星期五、六）

时间： 晚上八时

地点：香港艺术中心寿臣山剧院

票价：$888/ $688/ $488