【打卡背后】明星屋邨又如何？彩虹邨街坊盼重建：你唔舍得我舍得
七彩的外墙，为1962年至1964入伙的彩虹邨的象征，这一条“永恒的彩虹”更荣获“1965年香港建筑师学会银牌奖”。近年，彩虹邨成为本地人及游客的“打卡”胜地。然而在美丽的外墙背后，一众居民却要承受楼宇老化的问题，有居民揭发单位天花经常塌石屎，即使维修完，别处又再出现问题，不重建根本无法根治问题。甚至连邨内多间老店的负责人也希望尽快重建，让他们可以休息。
讨论重建逾十年 彩虹邨今再提重建政府在2013年底，评估全港22条楼龄介乎34至61年的非拆售屋邨的发展潜力，彩虹邨就是其中一条屋邨，不过至今仍未见重建时间表。其实彩虹邨早于2005年已有重建的声音，当时彩虹邨被纳入勘察计划，并于2006年完成勘察，根据当时的结构状况，彩虹邨被选定为获保留的屋邨，并已制定所需的修葺及屋邨改善工程。房委会每15年为有关勘察并保留的公屋作评估，以再检视其应否保留或重建。15年期将至，最近房屋署人员在黄大仙区议会上表示，将于六月会议上交代重建的最新消息，彩虹邨的未来再次受到关注。
57年屋邨士多 尽是怀旧陈设和食品
彩虹邨于1962年落成，嘉南士多便一直服务街坊至今。嘉南士多第二代负责人刘先生，90年代从叔父手中接过舖头，与太太经营到今时今日，“𠮶阵阿叔开档，我十几岁就返嚟坐吓。𠵱家阿叔都去咗享受人生。”士多不单卖怀旧糖果零食，也放了一部弹乒乓波机和几部扭蛋机。有学生到士多唱散纸，然后玩弹乒乓波机，赢得细奖小风车便开心得哈哈大笑，刘老板说：“最紧要开心。”
说不尽的名人旧事
店内摆放著一张刘德华的照片，话一到此，刘先生便开始忆述邨内的名人旧事，“刘德华以前系新浦岗间官立中学读书，成日都嚟呢度。好多明星都嚟过，郑则士、罗家良、刘天赐都系呢度住。罗家良每日三点至三点半钟，必定落嚟买包沙龙，后来红咗就同屋企人一齐搬走。洪金宝同萧芳芳都嚟过买嘢饮。”武打巨星洪金宝原来是彩虹邨的常客，“因为西贡冇咩好买，洪金宝就成日揸部吉普车嚟饮茶，呢度间酒楼嘅烧鹅出晒名，通常佢都嚟斩料返上片场，但间酒楼𠵱家都变咗补习社。”
多年顽抗便利店垄断 盼屋邨重建后退休
“呢啲士多仲边有得做啊，灭亡㗎啦，畀便利店垄断晒。”开业逾半世纪，刘老板感叹时日变幻，怀旧士多渐渐被便利店取代，不过犹幸屋邨未被领展侵占，多年来只有一间连锁店进驻，“得一间惠康，系96年开。97之前已经有地产商倾过重建，点知沙士爆发就搁置咗。如果当年系领汇要咗，我哋都冇今日，一定系租畀啲有名嘅舖头，好似万宁百佳。”
“我最想梗系重建啦，有啲人会唔钟意，因为觉得影响生意，但我都做咗几廿年，仔女都出晒身，我都想去唞吓。”刘先生直言如果彩虹邨重建，嘉南士多就会正式结业，“退休㗎喇，我都六十几岁，攞返笔钱就算啦。”
街坊百货事头婆赞成重建：更多人住到
二十多年前，永容百货事头婆Fave与家人在彩虹邨开设百货公司，书包、鞋、枕头被单各式各样、一应俱全。辛苦挨了多年，重建或要与彩虹邨别离，但她也不感可惜，“以前两老就养到家，佢哋都系过吓日晨坐吓，唔旺咪唔好入货，交租就两万几蚊，我哋就唔得啦，间舖食之无味弃之可惜。”
彩虹邨重建谈论已久，一次又一次研究和探讨，重建计划仍未落实。Fave也认为，以现时房屋供应短缺情况下，重建可让更多人受惠，“呢度啲楼座座都咁矮，重建最高起48层，多啲人住到，所以我都明。我都赞成重建，畀返钱我就唔做啦。”
“房屋署舖就可以考虑，领展就一定唔做”
若然落实重建，小店何去何从？Fave断言如果新舖位是由房屋署管理则可以考虑经营，但若然是领展场地，就一定不会继续做，“领展系吸血鬼嚟，睇到慈云山咁旺但得一个街市做到，出张卡畀消费者，只要买嘢就有积分，变相睇到你做几多生意。谂嘢好绝核，我觉得唔掂，畀我真系唔会做。”她又指部分领展商户要和业主分成，变相是帮领展打工，“我多劳，你得。我唔好去惠康打份工？”
钟表老行尊 亲力亲为55载
钟表行尊“李应记”进驻彩虹邨55年，年约七十岁的老板李先生亲力亲为，独个看守店子。李先生拿出一箱工具，戴上“独眼放大镜”，拆开手表，手执小钳，聚精会神将一件件细小的零件取出检查，维修后放回手表内，看起来手功架势，但他却说：“我又觉得唔劲，我啲手工冇人欣赏。”
钟表老师傅：“拿拿临重建！你唔舍得，我舍得！”
原来老店李应记已有百年历史，“个招牌成百年，香港第一条马路知唔知喺边？唔知？瞓觉啦你！香港冇法庭，拎去𠮶度审嘅文武庙，即系荷里活道。我哋以前就喺𠮶度。”屹立百年的老店，也面对时代的挑战，重建也就是告别时，“退休啦嘛细佬，佢拆啦㖞我咪乘机唔做啰，今时今日呢个年纪仲点会再做，我话做仔女都唔畀我做啦。”李先生直言现时已难再有人学师，“接手唔系咁简单，以前就咁坐喺度学师就做到。𠵱家冇人学师，你都唔钟意学师啦，一代一代唔同，唔好谂返以前𠮶代......拿拿临重建！你唔舍得我舍得，我好欢喜㖞。”
九旬街坊何婆婆盼早日重建：都唔知话咗几多百世！
年逾九旬的街坊何婆婆居住在彩虹邨三十年，她表示这里的单位已十分陈旧，“天花板成日跌嘢落嚟，呢度烂先补呢度，有鬼用咩！”即使重建要离开故居，她也直言毫不可惜，“唔系可惜，而系你住间屋都要干干净净，企企理理。”她质疑政府没有决心重建，忽视区内老人，“唔系冇地方迁，而系彩虹邨老人家多，都唔理老人家。由大磡村接收？讲啫！讲系冇用，要实际行动先有用。”
社区设施不足
何婆婆说，彩虹邨不但没有公园，连茶楼都没有，令她觉得十分不便，“得一间唔开门嘅金碧楼，净系11点开畀工人食饭，老人家就冇茶饮。彩虹邨系冇用，我认为真系冇用，连公园都冇，得停车场天台，落雨冇地方去！”
游客打卡胜地令她不安
何婆婆指虽然彩虹邨位置好，交通亦相当方便，但家居却残烂不堪，即使登记了维修也要等待多时。再加上游客到来，令居民都感到不安，“以前彩虹邨三更半夜出街都好稳阵，𠵱家唔得，去街震腾腾。多咗啲游客嚟，停车场天台五点钟开门，五点钟都未到就有人拖住旅行箧喺度等，地方杂咗。”“快快趣趣拆咗佢，畀老人家享受下啦，成日话就拆就拆，死咗都未拆啦！”