龙虎豹出新歌《全副舞装》　净系听到Joey把声Twins冇咗影？

早前容祖儿拉埋阿Sa阿娇拍广告，“龙虎豹”齐聚一堂，三个女仔一个墟，大家互爆对方八卦，粉丝们都好钟意睇佢哋好似姊妹咁一齐出现，早前3个人开直播预告之后会有大Project搞，仲话会出新歌，Joey已经好耐冇新广东歌派台，相信粉丝们都好期待。

今日（11/1）新歌终于出街，叫做《全副舞装》，竟然系普通话歌！首歌就行Hip Hop路线，有一半时间都好似disco歌咁叫人“Hands up”，同埋系度lalala……网上就有粉丝留言话浪费晒，首歌好似冇地方被佢哋发挥，仲有好几个粉丝话净系听到Joey把声Twins好似冇咗影咁，早前阿Sa喺活动上讲过，其实rap嘅部分系请枪嘅，其他都系自己唱嘅，粉丝们要再认真听听喇。